Jınalys barysynda Álıhan Smaıylov depýtattarǵa QR Prezıdentiniń oblys ákimi qyzmetine Ulasbek Sádibekov pen Darhan Satybaldynyń kandıdatýralaryn qaraýǵa engizý týraly hatyn oqydy.
Eske sala ketsek, oblystyń burynǵy ákimi О́mirzaq Shókeev bergen ótinishine sáıkes qyzmetinen bosatyldy.
Úkimet basshysy kandıdattardyń árqaısysynyń óńirdi basqarý úshin kásibı tájirıbesi mol jáne qajetti quzyretteri bar ekenin atap ótti.
Daýys berý nátıjesi boıynsha 200 depýtattyń 200-i Darhan Satybaldynyń kandıdatýrasyn jaqtap daýys berdi, 86 depýtat Ulasbek Sádibekovti tańdady.
Oblys aktıvine jańa ákimdi tanystyrǵan Álıhan Smaıylov QR Prezıdenti óńir basshylyǵynyń aldyna azamattardyń ál-aýqatyn arttyrý, týrızmdi, agroónerkásip keshenin jáne basqa da salalardy damytý boıynsha mindetter qoıǵanyn aıta ketti.
Túrkistan oblysyn damytýdyń 2025 jylǵa deıingi keshendi jospary aıasynda birqatar mańyzdy jobalardy iske asyrý kózdelgen, onyń ishinde jańa ónim shyǵarý, joldardy jańǵyrtý, turaqty jumys oryndaryn qurý jáne azamattardyń ómir súrý sapasyn jaqsartý boıynsha jabalar bar.
«О́ńir basshylyǵy ekonomıkany barynsha ártaraptandyrý boıynsha jumysty jandandyrýy qajet. Turǵyndardy jumyspen qamtyp, azyq-túlik ónimderi baǵasynyń ósýin tejeý, halyqty gazben jáne sýmen jabdyqtaý, sondaı-aq mekteptegi oryn jetispeýshiligin joıý máselelerine birinshi kezekte nazar aýdarý qajet», dedi Premer-Mınıstr óz sózinde.
Úkimet basshysy oblys ákimdiginiń jumysy halyqpen tıimdi dıalog negizinde qurylýy tıis ekenin eske saldy.
Álıhan Smaıylov qazirgi ýaqytta týrızmniń oblys ekonomıkasynyń negizgi salalarynyń biri ekenin, sondyqtan otandyq jáne sheteldik týrıster úshin qolaıly jaǵdaı jasaý jónindegi jumysty jalǵastyrý qajettigin atap ótti.
Jıyn sońynda Premer-Mınıstr О́mirzaq Shókeevke Túrkistan qalasynyń jáne óńirdiń damýyna qosqan zor úlesi úshin alǵys aıtty.
