Is-shara barysynda balalar «Sarjaılaý» etnoaýylyna saıahattap, onda qazaq halqynyń baı tarıhymen, ónerimen jáne dástúrlerimen tanysyp, ata-babalarymyz órkenıetiniń etnomádenı ortasyna kóz súzip, aýyl turmysyn tamashalady. Balalarǵa «Tilashar» ulttyq dástúri usynyldy, elimizdiń Negizgi Zańy týraly aqparat berildi, merekelik dastarhan jaıyldy.
Mektep tabaldyryǵyn attaǵaly otyrǵan búldirshinderge aqsaqaldar bata berip, ájeler shashý shashty. Al «Jaıhýn» qaraqalpaq etnomádenı ortalyǵy balalarǵa án men kúı oryndady.
Analar keńesiniń múshesi Turar Sháken «Qara shańyraq» ulttyq tárbıe mektebiniń atynan balalarǵa syılyqtar tabys etti.
«Balalar – elimizdiń bolashaǵy. «Tilashar» merekesi arqyly biz balalarǵdy oqýǵa, qorshaǵan álemdi tanýǵa degen yntasyn oıatamyz», dedi Turar Sháken.
«Analar keńesiniń qyzmeti ár túrli jáne mańyzdy, ol óskeleń urpaqty tárbıeleýge, otbasylyq qundylyqtar men ulttyq dástúrlerdi saqtaýǵa baǵyttalǵan», dep atap ótti Astana QHA Analar keńesiniń tóraıymy Altynaı Táńirbergenova.
