Jyl basynan beri Bas prokýrordyń kassasııalyq narazylyǵy boıynsha Joǵarǵy sot 17 adamdy aqtady. Bul rette, ótken jyldardaǵy qylmystyq ister muqııat tekserildi. Zań sottalǵan adamnyń jaǵdaıyn jaqsartý týraly másele qoıylǵan kezde úkimderdi qaıta qaraýdyń merzimderin shektemeıtinin atap ótken jón.
Máselen, bıyl 16 tamyzda Joǵarǵy sot prokýrordyń kassasııalyq narazylyǵy boıynsha 2012 jyly jasóspirim kezinde Qylmystyq kodekstiń 328-baby boıynsha qylmys jasaýǵa qatysty bılik ókili ataǵyn óz erkimen bergeni úshin sottalǵan eki azamatqa qatysty qylmystyq qýdalaýdy toqtatty. Bul áreket úshin qylmystyq jaýaptylyq 16 jastan bastalady. Qylmys jasalǵan kezde sottalǵan azamat 15 jasta bolǵan. Budan bólek, onyń kinási tolyq dáleldenbegen.
Taǵy bir mysal, qylmystyq quqyq buzýshylyqtyń eleýsizdigi 2019 jyly 6 myń teńgege azyq-túlik urlaǵany úshin kináli dep tanylǵan kelinshekke qatysty sot aktisiniń kúshin joıýǵa negiz boldy. Jalǵyzbasty áıel eki balasyn bir ózi tárbıelep otyrǵany belgili boldy. Balalarynyń kishisi bir jasqa da tolmaǵan, sharasyzdyqtan urlyq jasaǵan. Shyǵyn ustalǵannan keıin birden óteldi. Aýyr materıaldyq jaǵdaı, bolmashy zalal jáne ony tez arada óteý faktisi onyń is-áreketiniń qoǵamǵa qaýip tóndirmeıtinin aıǵaqtady. Sol sebepti de Joǵarǵy sot qylmystyq qýdalaýdy toqtatty.
Proseske qatysýshylardyń shaǵymdary, oblystar prokýrorlarynyń ótinish hattary jáne óz bastamasy boıynsha qylmystyq ister materıaldaryn tekserý áli de jalǵasýda.
