«Úkimetke ındýstrııa jáne jer qoınaýyn ıgerý salalarynyń ınvestısııalyq tartymdylyǵyn arttyrýdy tapsyramyn. Byltyr meniń tapsyrmam boıynsha barlyq arnaıy ekonomıkalyq aımaqtyń tıimdiligi baǵalandy. Sonyń nátıjesinde túıtkildi tustardy anyqtap, tyń tásilderdi oılastyrdyq. Endi arnaıy ekonomıkalyq aımaqtardy damytý úshin múlde basqa saıasatqa kóshken jón. Qazirgi tańda shetel kompanııalary Qazaqstanǵa kóshe bastady. Sondyqtan, bul másele tipti ózekti bolyp otyr», dedi Qasym-Jomart Toqaev Parlament palatalarynyń birlesken otyrysy barysynda.
Prezıdent «Samuryq-Qazyna» qorynyń basqa aktıvteri men aksııalary, onyń ishinde «Halyqtyq IPO» tetigi arqyly jekeshelendiriletinin málimdedi.
«Samuryq-Qazyna» qory ekonomıkanyń negizgi sektorlaryn baqylaý úshin jetkilikti majorıtarlyq paketke ıe ınvestorǵa aınalýda. Qor birlesken ınvestor retinde jeke ınvestorlar júzege asyra almaıtyn asa mańyzdy jobalarǵa ǵana qatysatyn bolady. Mundaı jobalardy Prezıdent anyqtaıdy», dedi Memleket basshysy.
