«Kelesi mańyzdy másele – bilim berý júıesi týraly. Bul sala ult sapasyn jaqsartý isinde úlken ról atqarady. Qazaqta «El bolamyn deseń besigińdi túze» degen sóz bar. Sondyqtan mektepke deıingi tárbıe jumysy basty nazarda bolýy kerek. Alaıda bizde 2-den 6 jasqa deıingi balalardyń jartysynan astamy ǵana balabaqshaǵa barady. Mundaı olqylyqqa jol berýge bolmaıdy», dedi Prezıdent.
Qasym-Jomart Toqaev balalardy balabaqshamen qamtamasyz etý máselesin túpkilikti sheshý qajettigin basa aıtty.
«Oǵan qosa tárbıeshilerdiń áleýmettik mártebesin arttyryp, jalaqysyn kóbeıtý kerek. Osy saladaǵy mamandarǵa qoıylatyn naqty talaptar bekitilýge tıis. Olardyń jumys júktemesin de birtindep azaıtqan jón. О́z isine adal ustazdar bilim berý salasynyń damýyna zor úles qosady», dedi Memleket basshysy
Prezıdent sondyqtan balabaqshany emes tárbıeshini attestasııalaý qajet ekenin eskertti.
«Orta bilimniń sapasy tabysty ult bolýdyń taǵy bir mańyzdy sharty. Árbir oqýshynyń bilim alyp jan jaqty damýy úshin qolaıly jaǵdaı jasalýy tıis. Sol úshin «Jaıly mektep» ulttyq jobasy qolǵa alyndy. Biz 2025 jylǵa deıin 800 myń balanyń zamanaýı mektepte oqýyna jaǵdaı jasaımyz. Osylaısha, apatty jaǵdaıdaǵy jáne úsh aýysymmen oqıtyn mektep máselesin tolyq sheshemiz. Bul aýyl jáne qala mektepteriniń aıyrmashylyǵyn edáýir azaıtady. Jalpy, mektep salý Úkimet jáne ákimdikter úshin basty mindettiń biri bolýy kerek», dedi Qasym-Jomart Kemeluly.
