«Bıyl biz jańa kezeńge qadam bastyq. Halqymyz jalpyulttyq referendýmda saıası jańǵyrý baǵdaryn qoldady. Konstıtýsııalyq reforma Jańa, Ádiletti Qazaqstandy qurý jolyndaǵy asa mańyzdy qadam boldy. Elimizdegi saıası jańǵyrý endi ekonomıkalyq ózgeristerge ulasýǵa tıis.Biz «Azamat – bıznes – memleket» arasyndaǵy qatynasty túbegeıli ózgertemiz, dedi Memleket basshysy.
Sondaı-aq Prezıdent memleket, eń aldymen, bárine birdeı múmkindik berip, ádildik ornatatynyn aıtty.
«Qoǵam ıgiligine arnalǵan qyzmet deńgeıi joǵary bolýyna kepildik beredi. Áleýmettik jaǵynan álsiz toptarǵa qoldaý kórsetemiz. Múmkindigi shekteýli jandarǵa da kómektesemiz. Prezıdent janyndaǵy ambýdsmen taǵaıyndalady. Memleket ekonomıkalyq erkindikti qoldaıdy. Biraq halyqty naryq turaqsyzdyǵynyń yqpalynan barynsha qoldaıdy. Shaǵyn jáne orta bıznesti meıilinshe damytady», dedi Memleket basshysy.
