Qýatty ulttyń dińgegi – halyq

Joldaýda aıtylǵan jańa ekonomı­kalyq saıasatqa qatysty árbir bastama el qoldaýyna ıe bolary anyq. Aýyl sharýa­shylyǵy, sý máselesi, ult saýlyǵy, bilim berý salalary boıynsha tyń da qara­pa­ıym halyqqa jaǵdaı jasaý meılinshe es­keril­gen bastamalardy júzege asyrý mańyz­dy. Mysaly, sh­aǵyn jáne orta bız­nes­ti qoldaýdyń naq­ty joldary ataldy. Aıta ketelik, Túrki­stan oblysynda kásip­ker­likpen aına­ly­satyn áıelder qa­tary artyp keledi. Statıstıkaǵa sáıkes, shaǵyn jáne orta kásipkerliktiń 32%-yn­da áıelder basshylyq jasaýda. Iаǵnı Túrkistan óńirinde jumys isteıtin árbir úshin­shi kásipker – áıel. «Bıznestiń jol kar­tasy-2025» baǵdarlamasy da áıel ká­sip­kerleri tarapynan belsendi qolda­ny­lýda. Baǵdarlama arqyly ótken jyly kásipkerlerge 25 mlrd teńgege 6 paıyzben 1371 jeńildetilgen nesıe berilgen bolsa, qoldaý alǵan jobalardyń teń jartysy – názik jandar. Osy jyldyń 6 aıynda 9,6 mlrd teńgege 274 joba qoldaý tapsa, onyń 48%-y áıel kásipkerlerdiń úlesinde.

Joldaýda sońǵy kezde ruqsat etilgen mıtıngilerde jıi kóterilip júrgen áıelderdiń zeınetke  shyǵý jasyna qatysty naqty jaýap berildi. «Keńinen kóterilip júrgen áleýmettik saýaldy eskere otyryp, áıelder úshin zeınetke shyǵý jasynyń mejesi 2028 jylǵa deıin 61 jas deńgeıinde bekitiledi», dedi Memleket basshysy. Sonymen qatar Prezıdent Biryńǵaı jınaqtaý zeınetaqy qorynyń tıimdi ınvestısııalyq strategııasyn ázirleýdi tapsyrdy. «Ár otbasy eldiń ulttyq baılyqtaryn paıdalanýdan naqty ıgilik kórýi kerek. Sondyqtan men jarııalaǵan Balalar jylynda «Ulttyq qor – balalarǵa» atty túbegeıli jańa baǵdarlamany bastaý kerek dep esepteımin. Ulttyq qordyń jyldyq ınvestısııalyq kirisiniń 50%-yn balalardyń jasy 18-ge tolǵanǵa deıin jeke shottaryna merziminen buryn sheship alý quqyǵynsyz aýdaryp otyrýdy usynamyn», dedi Memleket basshysy. Bul qarajatty 18-ge tolǵan azamat baspana men bilim alýǵa jumsaıtyn bolady. Sondaı-aq elimizde eń tómengi jalaqy deńgeıi 60 myńnan 70 myń teńgege deıin kóteriledi. Iаǵnı elimizdegi 1,8 mln adamnyń kirisi artady.

О́z sózinde qýatty ulttyń dińgegi halyq ekendigin aıtqan Prezıdent el birli­gi­ne erekshe mán berdi. Iá, búginde qa­shanda eń basty qundylyq sanalatyn el bir­liginiń ózektiligi arta túsken. Demek birlik-yntymaǵymyzdy saqtap jáne ony nyǵaıta túse, Joldaýda aıtylǵan ıgi bastamalardy júzege asyrýda aıanbaıyq.

Inara NAMAZBAEVA,

«Túrkistan oblysyndaǵy azamattyq Alıansy» birlestiginiń prezıdenti,

oblystyq máslıhat depýtaty