El Prezıdenti «Jaıly mektep» ulttyq jobasy qolǵa alynatynyn, 2025 jylǵa deıin 800 myń balanyń zamanaýı mektepte oqýyna jaǵdaı jasalatynyn jetkizdi. «Osylaısha, apatty jaǵdaıdaǵy jáne úsh aýysymmen oqıtyn mektep máselesin tolyq sheshemiz. Bul aýyl jáne qala mektepteriniń aıyrmashylyǵyn edáýir azaıtady. Jalpy, mektep salý Úkimet jáne ákimdikter úshin basty mindettiń biri bolýy kerek», dedi Memleket basshysy.
Kelesi jyldan bastap Ulttyq qordyń jyldyq ınvestısııalyq tabysynyń teń jartysy 18-ge tolmaǵan qazaqstandyqtardyń jeke shottaryna aýdarylady. Prezıdent bul qarajatty 18-ge tolǵan azamattar qalaı jumsaı alatynyn da aıtyp ótti. «Kámeletke tolǵannan keıin jınaqtalǵan soma baspana men bilim alýǵa jumsalady. Bul qarajat óskeleń urpaqqa eresek ómirge naǵyz joldama beredi. Qor da shyn máninde, ulttyq mártebesine saı bola túsedi jáne halyqtyń múddesine jumys isteıdi. Bul aýqymdy bastamany pysyqtaý úshin jańa jobany 2024 jyldyń 1 qańtarynan bastap iske qosýdy tapsyramyn», dedi Prezıdent.
Joldaýdyń negizgi bóligi elimizdiń áleýmettik-ekonomıkalyq damýyna arnaldy. Sapasynyń artýyna qaraı, otandyq joǵary oqý oryndaryndaǵy bilim alý aqysy da ósetindigin atap ótti.
Endeshe, Memleket basshymyz aıtqandaı, «birligimizdi bekemdep, el úshin eńbek eteıik!».
Rýslan HAMZA,
Memlekettik rámizderdi nasıhattaý jónindegi ulttyq ortalyǵynyń atqarýshy dırektory
Atyraý
