Memleket basshysyna Halyqaralyq Túrki akademııasynyń prezıdenti Monǵolııanyń Arhanǵaı aımaǵy, Nomǵon jazyǵyndaǵy ǵylymı arheologııalyq ekspedısııa jumystarynyń nátıjesinde tabylǵan Qutlyq Elteris qaǵanǵa arnalǵan keshen men jazýlar týraly baıandady.
Darhan Qydyráliniń aıtýynsha, bul jazý tarıhymyzdy, adamzat órkenıetine qosqan úlesimizdi 50 jylǵa ilgeriletedi. Sondaı-aq Qutlyq qaǵannyń tusynda salynǵan saltanatty keshennen tańbalar, túrli artefaktiler de tabylǵan.
Kezdesýde Túrki akademııasynyń atqaryp jatqan ózge jumystarymen qatar shyǵarǵan oqýlyqtary týraly da aıtyldy.
Darhan Qydyráli Memleket basshysyna halyqaralyq akademııadaǵy jumysynyń aıaqtalyp jatqanyn jetkizdi.
Qazaqstan Prezıdenti Mońǵolııada júrgizgen ǵylymı arheologııalyq ekspedısııanyń nátıjelerine jáne Túrki akademııasynyń jalpy jumysyna joǵary baǵa berdi.
