Qazaly aýdanynda darııaǵa taǵy bir kópir salynady

ASTANA. 13 mamyr. Qyzylorda oblysy Qazaly aýdanynyń «Qazaly-Qojabaqy-Bozkól-Káýkeı» aýdandyq mańyzdaǵy avtomobıl jolynyń 73 shaqyrymynda ornalasqan temir konstrýksııalardan qurastyrylǵan kópirdiń tozyǵy jetýine baılanysty qaıta jańǵyrtýdan ótkiziletin boldy. Bul týraly Qazaly aýdandyq ákimdiginiń baspasóz qyzmeti habarlady. Oblystyq jolaýshylar kóligi jáne avtomobıl joldary basqarmasynyń basshysy Marat Báıimbetov aýdanǵa arnaıy kelip, jalpy 412 otbasy, 2352 turǵyny bar Qyzylqum aýyldyq okrýgimen baılanystyratyn atalmysh kópirdiń jaı-kúıimen tanysty. Kópirdiń mańyzdylyǵynan habardar bolǵan oblys ákimi Qyrymbek Kósherbaev oblystyń jergilikti atqarýshy organynyń rezervinen «Qazaly-Qojabaqy-Bozkól-Káýkeı» avtomobıl jolynyń 73 shaqyrymyndaǵy kópirdi qaıta jańǵyrtý qurylysyna 45 mln. teńge  bólindi. Qazirgi tańda kelisim-shart jasaý jumystary júrgizilýde. Qurylys-montaj jumystary mamyr aıynyń 2-onkúndiginde bastalady. Aıta ketý kerek, bul kópir aǵymdaǵy jyldyń 21 sáýir saǵat 18.00 shamasynda Qyzylqum aýyldyq okrýgi Káýkeı aýylynyń batys betkeıindegi temirden jasalǵan kópir qulaǵan bolatyn. Kópirdiń uzyndyǵy – 12 m, eni – 5 m. Ol aýyl ortalyǵynan 3 km qashyqta ornalasqan. Kópirdiń ekinshi basyna qoıylǵan temirbeton blogtyń (SP-50 sm) astyn sý shaıýynan, temir-beton blogy qulap, kópir joldyń deńgeıinen 1 metrge tómenge túsip ketken. Qazirgi ýaqytta yldılanǵan jerge topyraq tastap, jeńil avtokólikter júrgizilýde. Aýyr avtokólikterdiń júrýine qaýipti. Atalǵan kópir Káýkeı, Tasaryq, Laqaly, Otgon eldi mekenderin aýdan ortalyǵymen  baılanystyratyn birden-bir ótkel bolyp otyr. Murat Aıtqoja. Derekkóz: Qazaly aýdandyq ákimdiginiń baspasóz qyzmeti. Foto: silkadv.com.