«О́rt sóndirý orman aımaǵynda 5 ýchaskede (Amanqaraǵaı, Lesnoe, Ozernoe, Baǵanaly jáne Kalınıno aýyldary aýdanynda) júrgiziledi (jıeginiń jalpy uzyndyǵy 5 km). Barlyǵy 91 turǵyn úı zardap shekti: Amanqaraǵaı aýylynda 85 jáne Ozernyı aýylynda 6.
О́rtti sóndirýge 224 birlik tehnıka, 7 áýe kemesi, 5 órt sóndirý poıyzy, jeke quramnan 2193 adam kúshter men quraldar jumyldyryldy. Sondaı-aq órtti sóndirýge jáne qoǵamdyq tártipti saqtaý úshin IIM jeke quramynan qosymsha 300 adam jumyldyryldy», delingen baspasóz qyzmeti taratqan habarlamada.
QR TJM málimeti boıynsha, 10 adam (5 adam, onyń ishinde bir kámeletke tolmaǵan adam, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jaraqat, kúıik alyp, jeńil jáne ortasha aýyrlyqtaǵy ýlaný oqıǵalaryna ushyrady, 1935 jylǵy týǵan bir adam qaza tapty.
«Sý quıý qurylǵylary úshin tikushaqtarmen sý alý tabıǵı sý qoımasynan 25 km qashyqtyqta júrgiziledi. О́rt sóndirý jumystary bastalǵaly beri áýeden 109 ret sý shashyldy. «Qazgıdromet» RMK derekteri boıynsha 5 qyrkúıekte Qostanaı oblysy Áýlıekól aýdanynyń aýmaǵynda joǵary temperatýra 31 gradýsqa deıin saqtalady, jeldiń jyldamdyǵy sekýndyna 7 metrge deıin jetedi.
4 qyrkúıekte órt aýmaǵy 43 myń gektardan asty, orman sharýashylyǵynyń jalpy aýdany 107 257 ga. Halyqtyń qaýipsizdigin qamtamasyz etý maqsatynda Ozernoe aýylynan (250 adam), Amanqaraǵaı aýylynyń soltústik bóliginen (1000 adam), Kalınıno aýylynan (228 adam) jáne Lesnoe aýylynan (363 adam) jalpy barlyǵy 1841 adam evakýasııalandy», delingen habarlamada.
Jeldiń kúsheıýine baılanysty órttiń orman alqabynan Baǵanaly aýylyna kóshý qaýpine baılanysty Baǵanaly aýylyn qorǵaýǵa kúshter men quraldar toptastyryldy. Qazirgi ýaqytta eki órt oshaǵy janyp jatyr. Jergilikti atqarýshy organdar Baǵanaly aýylynan 11 adamdy, onyń ishinde 2 balany Qazbasy aýylyna evakýasııalady.
Oqıǵa ornynda TJM 10 birlik tehnıka, jeke quramnan 52 adam, 4 áýe kemesi (TJM-3, QM-1), JAO 5 birlik tehnıka, 14 adam, QM 9 birlik tehnıka, UU 400 adam jumys jasaýda.
TJM men Qostanaı oblysynyń TJD jedel jeli jumys isteıdi, psıhologtar jumysy uıymdastyryldy. TJM jedel jelisine aqparattyq sıpattaǵy 34 qońyraý kelip tústi.
57 adamǵa jáne toptyq jumys formatynda 45 balaǵa konsýltatıvtik kómek kórsetildi.
Novonejenka aýylynda QR TJM 52859 áskerı bólim kúshimen zardap shekken halyqty qabyldaý úshin palatalar tigildi.
