El kórsetkishteri eleýli deńgeıde

Prezıdent janyndaǵy  Ortalyq kommýnıkasııalar qyzmetinde dástúrli brıfıng ótti. Basqosýdyń bul jolǵy qonaqtary  Premer-Mınıstrdiń birinshi orynbasary Baqytjan Saǵyntaev, Premer- Mınıstrdiń orynbasary – Qarjy mınıstri Baqyt Sultanov, Eko­no­mıka jáne bıýdjettik josparlaý mınıstri Erbolat Dosaev jáne Syrt­qy ister mınıstriniń birinshi oryn­basary Rápil Joshybaev boldy. «Aǵymdaǵy jyldyń 19-21 mamyry aralyǵynda Mem­le­ket basshysy Nursultan Na­zarbaevtyń Qytaı Halyq Respýblıkasyna memlekettik sapary jáne Shanhaı qala­synda Azııadaǵy ózara is-qı­myl jáne senim sharalary jó­nindegi keńestiń VI sammıtine qatysýy josparlanǵan. Sapar barysynda QHR tóraǵasy Sı Szınpınmen kelissózder júr­gizý josparlanyp otyr já­ne ekijaqty qujattarǵa qol qoıylatyn bolady. Bul Qazaqstan men Qytaı ara­syn­daǵy ekonomıkalyq ynty­maq­tastyqty serpindi damytýda júıeli qadam bolmaq. Jalpy, birlesken ju­mys­tyń nátıjesinde 2013 jy­ly ekijaqty saýdanyń kó­lemi 22,5 mıllıard dollardy qurasa, onyń ishinde elimiz eksporty – 14,3 mlrd. dollar, ımport 8,1 mlrd. dollar bolǵan. Son­daı-aq, 2014 jylǵy qań­tar-aqpan aılaryndaǵy eki jaq­ty saýda kólemi 3,56 mlrd. dol­lardy qurady», dedi Pre­mer-Mınıstrdiń birinshi orynbasary B.Saǵyntaev. So­nymen qatar, ol QHR-men birlesip iske asyrylyp jatqan ınvestısııalyq joba­lar týraly da aıtyp ótti. «Qazaqstan men QHR arasyn­daǵy Sý bólý boıynsha tehnı­kalyq jumystardyń negizgi baǵyttarynyń jos­paryn iske asyrý boıynsha bıyl­ǵy jyldyń 24-27 aq­pany aralyǵynda Pekınde QR men QHR arasyndaǵy trans­shekaralyq ózenderdiń sý resýrs­taryn baǵalaý jóninde tehnıkalyq jumys otyrysy ótti. Jıynda derekterdi taldaý men salystyrý, ǵylymı-zertteý jumysy boıynsha esepter almasý júzege asyryldy. Qorǵas ózenindegi «Dostyq» gıdrotorabyna qatysty nysan ótken jyldyń shilde aıynda resmı túrde paıdalanýǵa berildi. 2013 jylǵy qyrkúıekte Astanada QHR tóraǵasy Sı Szınpınniń memlekettik sapary barysynda QR men QHR úkimetteriniń arasyndaǵy «Dostyq» gıdrotorabyn basqarý jáne paıdalaný týraly kelisimge qol qoıyldy. Qazirgi tańda qazaqstandyq tarap atalǵan kelisimdi ratıfıkasııalaý boıynsha jumystar júrgizýde», dedi B. Saǵyntaev. Premer-Mınıstrdiń birinshi orynbasary Úkimet otyrysynda qaralǵan bir­qatar jobalarǵa da toqtaldy. «Azamattardyń múlikti jarııa etýine baılanysty olarǵa raqymshylyq jasaý týraly» zań jobasy týraly» máselege keler bolsam, aǵymdaǵy jyly Úkimet múlikti jarııa etý týraly zań jobasyn ázirledi. Bul rette atalǵan zań jobasynda tek aqshany ǵana emes, sonymen qatar, jyljymaıtyn múlikti jarııa etý de qarastyrylǵan. Úkimet otyrysynda bul zań jobasy maquldanǵan jáne ony Parlament Májilisiniń qaraýyna engizý týraly qaýly qabyldandy. Sondaı-aq, otyrysta 2013 jylǵy Qazaqstan Respýblıkasynyń básekege qabilettiligi týraly baıandamanyń jobasy tyńdaldy. Ol halyqaralyq reıtıngterdi taldaýdy, báse­­kege qabiletti faktorlar boıynsha Qazaqstandy halyq­­aralyq salystyrýdy, eldiń básekege qabilettiligin odan ári arttyrý boıynsha qabyldanatyn sharalar men usynymdardy qamtıdy», dedi Premer-Mınıstrdiń birinshi orynbasary. Úkimet janynda Básekege qabilettilik jónindegi keńes jumys isteıdi, ol básekege qabilettiliktiń alty álemdik reıtıngi jáne ulttyq ındıkatorlar negizinde básekege qabilettilikke júıeli monıtorıng júrgizedi. Reıtıngter 2012 jylǵy statıstıkalyq de­rekter men 2013 jyly júr­gizilgen saýaldamalar negizinde qurylǵan. Tutastaı alǵanda, elimiz halyqaralyq reıtıngterde óziniń birqa­lypty joǵary pozısııasyn saqtaýda. Ábdirahman QYDYRBEK, «Egemen Qazaqstan».