Tujyrymdama jobasynda kemshin tustar bar

Májilis vıse-spıkeri, «Nur Otan» partııasy fraksııasynyń jetekshisi Darıǵa Nazarbaevanyń tóraıymdyq etýimen ekonomıkanyń qarjy sektoryn damytýǵa, sonyń ishinde, qarjy sektoryn damytýdyń 2030 jylǵa deıingi tujyrymdama jobasyna qatysty «Nur Otan» partııasy fraksııasynyń keńeıtilgen jınalysy ótti. Oǵan Ulttyq bank tóraǵasy Qaırat Kelimbetov qatysty. Qazaqstannyń qarjylyq júıe­sin damytý turaqsyz sı­patqa ıe jáne birqatar prob­lemalardyń oryn alýyna baı­lanysty kúrdelene túsýde. Bank sektorynyń shaǵyn jáne orta bıznesti qarjylandyrý úrdisine jetkilikti túrde tartylmaýy, joǵary táýekeldi tutynýshylyq nesıelerdiń ósýi, IJО́ saqtandyrý uıym­dary aktıvteri úlesiniń azdy­ǵy, sondaı-aq, qundy qaǵaz nary­ǵynyń tómengi ótimdiligi Qazaq­stan Respýblıkasy qar­jy sektoryn damytýdyń 2030 jylǵa deıingi tujyrym­damasyn jasaýǵa sebep boldy. Tujyrymdamanyń bas­ty maqsaty – ekonomıkalyq yntymaqtastyq jáne damý uıymy standarttaryn qosa otyryp, úzdik halyqaralyq standarttar bazasynda ekonomıkada resýrstardy qaıta bólýde onyń tıimdiligin arttyrý jáne básekege qa­bi­letti qarjylyq sektor qurý. Qazaqstan Respýb­lı­ka­synyń qarjy sektoryn damy­týdyń 2030 jylǵa deıingi tujyrymdamasy tó­men­degi mindetterdi júzege asy­rýdy kózdeıdi: 1) qandaı da bir qysyltaıań kezde memlekettiń jáne qoǵam­nyń qarjy júıesiniń turaq­tylyǵyn qamtamasyz etýdegi qıyndyǵyn azaıtý; 2) ekonomıkalyq ınte­grasııa kezinde qarjy sek­to­rynyń básekege qabilettiligin art­tyrý; 3) qarjy júıesiniń sapaly damýy úshin ınfraqurylymdy jetildirý jáne jaǵymdy jaǵ­daı jasaý; 4) qarjy ónimderi tur­ǵy­synan ekonomıkanyń qajet­tiligine jaýap beretin qarjy sektory ósiminiń resýrsyn arttyrý; 5) tepe-teń ekonomıkalyq jaǵ­daıdy qamtyp, ekono­mıkadaǵy nesıe táýe­ke­lin azaıtý. Ulttyq bank tóraǵasy qar­jylyq júıeniń qazirgi jaǵ­daıy jáne bolashaq basym baǵyttar týraly jan-jaqty baıandady. Májilis depýtattary birqatar problemalyq máseleler kóterdi. Olardyń oıynsha, atalǵan máselelerge qarjylyq sektordy damytý tujyrymdamasy jobasynda tıisti deńgeıde kóńil bólinbegen. Zeınetaqy ak­tıv­terin BJZQ ornalastyrý jáne basqarý týrasynda da naqtylyq joq, BJZQ qor na­ry­ǵyn damytýǵa jáne bank­terdi uzaq merzimdi qorlan­dyrýǵa qatysa ma, joq pa? Búgingi kúni korporatıvtik sektorda nesıelerdiń tu­raq­ty joǵary ósýine qol jetkizý memleket úshin basty baǵyttardyń biri bolyp taby­lady. Al tujyrymdamada osy maqsatqa jetýdiń jospary, oǵan suranysty arttyrý sharalary, nesıeler boıynsha paıyzdyq mólsherlemeni azaıtý, basqa da jaǵdaılar naqty kórsetilmegen. Osy tárizdi kóptegen saýaldarǵa Ulttyq bank tóra­ǵasy Qaırat Kelimbetov jaýap berdi.