«Atmosferalyq frontaldy bólikterdiń ótýimen elimizdiń batysynda, soltústiginde, soltústik-batysynda naızaǵaımen jańbyr, ońtústik-batysynda qatty jańbyr jaýady. Qazaqstannyń qalǵan aýmaǵynda jaýyn-shashynsyz aýa raıy saqtalady. Respýblıka boıynsha keı jerlerde jeldiń kúsheıýi, ońtústik-batysta shańdy daýyl bolýy múmkin», delingen habarlamada.
Jambyl, Qyzylorda, Túrkistan, Aqtóbe, Almaty, Jetisý, Ulytaý oblystarynyń basym bóliginde, Qostanaı oblysynyń ońtústiginde, Abaı oblysynyń ońtústigi men shyǵysynda, Qaraǵandy oblysynyń batysynda, ońtústiginde jáne shyǵysynda tótenshe órt qaýpi bolady.
Kúndiz Jetisý, Ulytaý, Shyǵys Qazaqstan, Abaı, Qyzylorda oblystarynyń basym bóliginde, Pavlodar oblysynyń ońtústiginde, Qaraǵandy oblysynyń batysy men ońtústiginde, Jambyl oblysynyń soltústigi men ońtústiginde qatty ystyq bolýy yqtımal.
