Jobany iske qosýǵa Ekologııa departamentiniń, Sý resýrstaryn paıdalanýdy retteý jáne qorǵaý jónindegi Esil basseındik ınspeksııasynyń, «Qazsýshar» RMK, elordanyń beıindi basqarmasynyń, «Buqtyrma ýyldyryq shashý-ósirý sharýashylyǵy» JShS ókilderi men eko-belsendiler qatysty.
Bul jobanyń maqsaty sý qoımasynyń ekojúıesin qalpyna keltirý jáne bıologııalyq melıorasııa ádisimen antropogendik júktemeni azaıtý.
«Qamtylǵan pılottyq ýchaskeniń aýdany Aqbulaq bulaǵy sý aıdynynyń joǵarǵy bóliginde 50 ga quraıdy. Bul ádis qopsytqyshta ósirilgen bir kletkaly jasyl baldyrlardyń «hlorella» shtamdaryn qoldanýdy qamtıdy. Sýspenzııa - baldyrlar júzetin qorektik orta. Sýdyń baı jasyl túsi men fızıkalyq qasıetteri bar. О́sirý úshin planktondy shtamdar qoldanylady», delingen habarlamada.
Tazartý jáne ońaltý jumystary kezinde hlorella konsentrasııalanǵan sýspenzııasyn paıdalaný nátıjesinde sý aıdynynyń ekologııalyq jaı-kúıi kelesi kórsetkishter boıynsha jaqsarady dep kútilýde:
- Sý aıdynynyń fızıkalyq-hımııalyq kórsetkishterin jaqsartý;
- Sýda eritilgen ottegi konsentrasııasynyń joǵarylaýy;
- Sý aıdynynyń gıdrobıologııalyq kórsetkishterin jaqsartý, zooplankton men zoobentos sanynyń jáne bıomassasynyń ósýi;
- Ihtıofaýna sanynyń artýy.
