Azdaǵan jaýyn jaýǵandyqtan óńirde aýa ylǵaldyǵy kúsheıgen.
«Saǵat 7:30-dan 8.40-qa deıin órt aýmaǵyna ushý jumystary júrgizildi.
Áýeden barlaý nátıjesinde Baǵanaly aýylynan Qazanbasy aýylyna qaraı aýdanda órt tómengi bóliginde baıqalady. Ozernoe, Lesnoe jáne Amanqaraǵaı aýyldarynda jaǵdaı turaqtaldy. Ozernoe, Amanqaraǵaı aýyldarynda tek lokaldy órt oshaqtarynyń janýy, tútin baıqalady.
Kúshter men quraldar negizgi jumys júrgizetin Baǵanaly aýdandaryna qaıta toptastyryldy. Baǵanaly, Ozernoe, Lesnoe aýyldarynda eldi mekenderinde jerdi jyrtý jumystaryn júrgizý úshin Qorǵanys mınıstrligi men jergilikti atqarýshy organdardyń ınjenerlik tehnıkasy da jumyldyrylady», delingen habarlamada.
О́rt bastalǵannan beri barlyǵy 2091 adam evakýasııalandy (3 qyrkúıekte Amanqaraǵaı, Ozernoe jáne Lesnoe aýyldarynan - 1841 adam, 5 qyrkúıekte Baǵanaly aýylynan Qazanbasy aýylyna - 250 adam).
Áýlıekól orta mektebi men Áýlıekól mektep-ınternatynyń evakýasııalaý pýnktinde 66 adam bar. Evakýasııalanǵandardyń negizgi bóligi óz úılerine oraldy, qalǵandary týystarynyń úıinde.
TJM málimetinshe, barlyǵy 91 turǵyn úı zardap shekken. Amanqaraǵaı aýylynda 85 úı jáne Ozernyı aýylynda 6 úı. О́rtti sóndirýge quramynda 224 birlik tehnıka, 7 áýe kemesi, 5 órt sóndirý poıyzy, jeke quramnyń 2193 adamy bar TJM, IIM, UU, Qorǵanys mınıstrligi, JAO jáne oblystyń kommýnaldyq qyzmetteriniń kúshteri men quraldary jumyldyrylǵan.
11 adam (halyqtyń 6 adamy, onyń ishinde bir kámeletke tolmaǵan adam, orman sharýashylyǵynyń 1 qyzmetkeri, ákimdiktiń 1 qyzmetkeri, TJM 3 qyzmetkeri) jeńil jáne ortasha aýyrlyqtaǵy jaraqat, kúıik, ýlaný aldy, 1935 jyly týǵan bir adam qaza tapty.
Sýaǵar qurylǵylary úshin tikushaqtarmen sý alý tabıǵı sý qoımasynan 25 km qashyqtyqta júrgiziledi, órt sóndirý bastalǵan sátten bastap 137 sý aǵyzý júrgizildi.
Aıta keteıik, 4 qyrkúıekte órt aýmaǵy 43 myń gektardan asqan. Al orman sharýashylyǵynyń jalpy aýdany 107 257 ga.
Qazir TJM jedel jelisi jumys istep tur. TJM men Qostanaı oblysynyń TJD psıhologtarynyń jumysy uıymdastyrylǵan. Osy aralyqta TJM jedel jelisine aqparattyq sıpattaǵy 37 qońyraý kelip túsipti.
Sondaı-aq, Áýlıekól aýdanynyń evakopýnktinde jeti psıholog shuǵyl psıhologııalyq kómek kórsetedi. Konsýltatıvtik kómek 57 adamǵa kórsetildi jáne toptyq jumys formatymen 45 bala qamtyldy.
О́rt sóndirý jumystary áli de jalǵasyp jatyr.
