Buǵan deıin bul qyzmetti «Egemen Qazaqstan» RG» JShS Bas dırektory Darhan Qydyráli atqarǵan. Ol basqa laýazymǵa taǵaıyndalýyna baılanysty ókilettigin toqtatty.
Sonymen qatar Marat Báshimov keshirim jasaý máseleleri jónindegi komıssııanyń tóraǵasy jáne Qazaqstan Respýblıkasy Prezıdentiniń janyndaǵy Adam quqyqtary jónindegi komıssııanyń saraptamalyq keńesi tóraǵasynyń orynbasary qyzmetterin atqarady.
«О́z kezeginde Qoǵamdyq keńestiń jańadan taǵaıyndalǵan tóraǵasy áriptesterine senim bildirgenderi úshin alǵysyn bildirip, sybaılas jemqorlyqqa qarsy is-qımyl máseleleri boıynsha jumysty jalǵastyrýǵa daıyn ekenin habarlady. Sondaı-aq Qoǵamdyq keńes músheleri azamattardy jemqorlyqqa qarsy kúresten tys qalmaýǵa jáne jemqorlyqtyń barlyq belgileri týraly Sybaılas jemqorlyqqa qarsy qyzmettiń Call-ortalyǵyna 1424 nómiri boıynsha habarlaýǵa shaqyrady», delingen habarlamada.
