Qujatty Májilistiń jalpy otyrysynda QR Ádilet mınıstri Qanat Mýsın tanystyryp ótti. Sondaı-aq bul zań jobasy 2022 jylǵy 16 naýryzdaǵy Memleket basshysynyń «Jańa Qazaqstan: jańarý men jańǵyrý joly» Joldaýyn iske asyrý maqsatynda ázirlendi.
Onyń aıtýynsha, Zań jobasynyń maqsaty - adam jáne azamat quqyqtaryn júzege asyrýdyń kepili retinde Adam quqyqtary jónindegi ýákildiń konstıtýsııalyq mártebesin qamtamasyz etý bóliginde Qazaqstan Respýblıkasynyń Konstıtýsııasyna engizilgen ózgeristerdi iske asyrý.
«О́zderińiz biletindeı, Konstıtýsııanyń jańa 83-1-babynyń normalary onyń qyzmetiniń mindetterin, táýelsizdik kepildikterin jáne kez kelgen basqa memlekettik organdar men laýazymdy tulǵalardyń ókilettikterin júzege asyrý kezinde jaýap bermeýin belgileıdi. Budan bylaı Ýákildiń quqyqtyq mártebesi men qyzmetin uıymdastyrý Konstıtýsııalyq zańmen aıqyndalady. Aıta keteıik, Ýákil týraly qoldanystaǵy zań jaqynda, ótken jyldyń 29 jeltoqsanynda qabyldanǵan bolatyn. Ol qazirdiń ózinde Ýákildiń qyzmeti týraly negizgi erejelerdi qamtıdy. Osyǵan baılanysty Parlament Májilisine usynylǵan Ýákil týraly Konstıtýsııalyq zań jobasy qoldanystaǵy normalar negizinde maqsatty tolyqtyrýlar men zań qurylymyn qaıta qaraý arqyly ázirlendi», dep túsindirdi Qanat Mýsın.
Mınıstrdiń aıtýy boıynsha, Konstıtýsııalyq zań jobasy 6 taraý, 23 baptan turady.
«Men qoldanystaǵy zańda qarastyrylmaǵan negizgi jańa erejelerge tolyǵyraq toqtalǵym keledi. Jańa erejelerdi eki topqa bólýge bolady. Birinshisi – Ýákildiń quzyretin kúsheıtý, ekinshisi – onyń qyzmetin uıymdastyrýdyń tıimdiligin arttyrý», dep qosty Q.Mýsın.
Onyń aıtýynsha, Ýákildiń quzyretin kúsheıtý bóliginde: birinshiden, Konstıtýsııa normalaryn iske asyrý maqsatynda zań jobasynda Ýákildiń Qazaqstan Respýblıkasy Konstıtýsııasynyń talaptaryn saqtaý máselesi boıynsha Konstıtýsııalyq Sotqa júginý quqyǵy qarastyrylǵan.
Ekinshiden, basqa memleketterde olardyń shaqyrýy boıynsha adam quqyqtary men bostandyqtarynyń saqtalýyn baqylaýshy retinde áreket etý quqyǵyn berý usynylady.
Úshinshiden, Ýákildiń quzyretin kúsheıtý maqsatynda onyń arnaýly áleýmettik qyzmetter kórsetetin uıymdarǵa jáne qylmystyq-atqarý júıesi mekemelerine kedergisiz barý quqyǵy bekitilgen.
«Ýákildiń qyzmetin uıymdastyrý tıimdiligin arttyrý zań jobasynda Adam quqyqtary jónindegi ulttyq ortalyq basshysynyń orynbasary laýazymyn, sondaı-aq Ulttyq ortalyqtyń qosymsha fýnksııalaryn engizý usynylady. Konstıtýsııalyq zań jobasynyń qabyldanýy Adam quqyqtary jónindegi ýákildiń qyzmetine, oǵan Qazaqstan Respýblıkasynyń Konstıtýsııasymen berilgen ókilettikterdi júzege asyrýǵa negiz jasaıdy dep oılaımyz», dep qorytyndylady mınıstr.
