Ábilqaıyr Tamabek oblys ákimdikteriniń derekterin keltirip, jalpy túsimniń boljamdy kólemi 18,3 mln tonna, onyń ishinde bıdaı 13,4 mln tonnadan asatynyn habarlady.
«1 tamyzdaǵy jaǵdaı boıynsha respýblıkada 3,1 mln tonna kóleminde aýyspaly astyq qaldyǵy bar, onyń ishinde 2,5 mln tonna bıdaı bar», dedi vıse-mınıstr.
Onyń aıtýynsha, aýyspaly qaldyqtardy eskere otyryp, jalpy astyq jınaýdyń kútiletin kólemi respýblıkanyń ishki qajettiligin tolyq qamtamasyz etý, sondaı-aq astyqtyń belgili bir kólemin eksportqa ótkizý jáne tıisinshe dástúrli naryqtardaǵy saýda pozısııasyn saqtaý úshin jetkilikti.
«Bıylǵy jyldyń qolaıly jaǵdaılary egin jınaý jumystaryn ýaqytyly bastaýǵa múmkindik berdi jáne búgingi kúni respýblıka boıynsha barlyǵy 9,2 mln ga dándi jáne dándi-burshaqty daqyldar jınaldy. Bul 57,8%-dy quraıdy. 12,0 s/ga ortasha ónimdilik kezinde 11,2 mln tonna astyq bastyryldy», dep qosty Ábilqaıyr Tamabek.
Ol osy jyly aýyl sharýashylyǵy daqyldarynyń jalpy jınaý alańy 23,4 mln gektardy quraǵanyn, onyń ishinde dándi daqyldardy jınaý alańy 16,1 mln gektardy quraıtynyn atap ótti.
«Jappaı egin jınaý respýblıkanyń barlyq óńirlerinde bastaldy. Egin jınaý jumystaryn júrgizý úshin respýblıkada 147,7 myń traktor, 38,1 myń astyq jınaıtyn kombaın, 13,3 myń destelegish, 73,4 myń traktor tirkemesi bar. Egin jınaý jumystaryn ýaqytyly júrgizý úshin sharýalarǵa 423,5 myń tonna jeńildetilgen dızel otyny bólindi», dep tolyqtyrdy spıker.
Operatorlardyń shyǵyndaryn eskere otyryp, agrarshylar úshin dızel otynynyń ortasha baǵasy lıtrine 203 teńgeni quraıdy, bul naryqtyq baǵadan 15-20%-ǵa arzan.
