Vedomstvo basshysy kámeletke tolǵan jas jigit nemese boıjetken qarajatty paıdalanyp, olardy bilim alýǵa nemese jyljymaıtyn múlik satyp alýǵa jumsaı alatynyn atap ótti.
«Ulttyq qordan jylyna bir ret elimizdiń barlyq balalarynyń arnaıy shottaryna ınvestısııalyq tabystyń 50%-y túsedi. Bul balanyń ǵana menshigi bolady», dep jaýap berdi ol.
Sondaı-aq mınıstr balalarǵa arnaıy shottardy kim ashatynyn da atap ótti.
«Bunyń mehanızmi qazir tıisti memlekettik organdarmen birge talqylanýda. Biraq men bala týylǵan kezde shottar avtomatty túrde ashylady dep aıta alamyn. Derekter bazasynda tıisti aqparat bar», dedi Álibek Qýantyrov.
QR UEM basshysynyń aıtýynsha, derekter tikeleı Ádilet mınıstrliginiń derekter bazasynan túsedi.
«Bala týylǵan kezde, derekter Ádilet mınıstrliginen shot ashatyn ýákiletti operatorǵa túsedi. Qazir bul qarajatqa salyq salyna ma, joq pa ázirge belgisiz. Bul másele talqylanýda», dedi mınıstr.
