Energyprom usynǵan derekterge sáıkes, osy jyldyń 1 tamyzyna qaraı elimizde 4,6 mln sıyr boldy, bul bir jyl burynǵyǵa qaraǵanda 5,9%-ǵa artyq. Sıyrlardyń eń kóp sany Túrkistan oblysynda tirkeldi (609,4 myń), mundaǵy jyldyq ósim 10,7%-dy qurady. Úzdik úshtikke Abaı (393,9 myń bas, jylyna plıýs 4,5%) jáne Batys Qazaqstan (388,9 myń bas, plıýs 11,5%) oblystary da ilikti.
2022 jyldyń qańtar-shilde aılarynyń qorytyndysy boıynsha elimizdiń sharýashylyqtarynda 3,8 mln tonna sút óndirildi. Bul ótken jylmen salystyrǵanda 1,2%-ǵa artyq. Eń úlken kólem Túrkistan oblysyna keledi dep kútilýde: 492 myń tonna. Jeti aıdyń qorytyndysy boıynsha sút ónimderiniń óndirisi qundyq mánde 259 mlrd teńgeni qurady, bul bir jyl burynǵyǵa qaraǵanda 8,4%-ǵa az.
«Sút ónimderi arasynda shubat (birden 49,2%-ǵa, 1,6 myń tonnaǵa deıin), sary maı jáne sút spredteri (12,6%-ǵa, 13,9 myń tonnaǵa deıin), óńdelgen suıyq sút jáne kilegeı (9,8%-ǵa, 324,4 myń tonnaǵa deıin), balmuzdaq (4,4%-ǵa, 25,5 myń tonnaǵa deıin), ıogýrttar (1,8%-ǵa, 134,8 myń tonnaǵa deıin) qymbattaǵan. Qymyz óndirisi 18,9%-ǵa, 900 tonnaǵa deıin, qatty túrdegi sút - 10,5%-ǵa, 4,6 myń tonnaǵa deıin, irimshik pen súzbe - 0,8%-ǵa, 21,3 myń tonnaǵa deıin ósti», delingen zertteýde.
Osy jyldyń tamyz aıynyń qorytyndysy boıynsha sút ónimderiniń quny bir jylda 24,6%-ǵa ósti.
«Onyń ishinde sút 24,6%-ǵa, konservilengen sút 28,9%-ǵa, ashyǵan sút ónimderi 26,4%-ǵa qymbattady. Ashyǵan sút ónimderiniń ishinde ıogýrt 33,5%-ǵa, 2,5%-dyq aıran - 17,1%-ǵa, qaımaq 30,4%-ǵa, 5%-dyq súzbe - 9%-ǵa, qatty irimshik 29%-ǵa qymbattady. О́ńirler turǵysynan baǵanyń jyldyq ósýin Mańǵystaý oblysynyń (jylyna 34,8%-ǵa), Shymkent (28,6%-ǵa) jáne Túrkistan oblysynyń (27,6%-ǵa) turǵyndary qatty sezindi», dep qorytyndylady taldaýshylar.
