Eurasian Foods Corporation zaýyty – Qazaqstan men Ortalyq Azııa elderindegi tamaq ónerkásibiniń iri jáne mańyzdy kásiporyndarynyń biri. О́ndiris kólemi jylyna 150 myń tonnadan astam ósimdik maıyn quraıdy.
Serik Jumanǵarın 3 myńnan adamdy jumyspen qamtamasyz etip otyrǵan zaýytqa arnaıy kelip, áleýmettik mańyzy bar azyq-túlik tizimine enetin ósimdik maıy jáne t.b. ónimderin shyǵarý prosesimen tanysty.
Sonymen qatar vıse-premer jumys sapary aıasynda qalanyń kásipkerlerimen, turǵyndarymen kezdesý ótkizdi. Eksportqa den qoıǵandar arasynda memleketten tıisti kómek ala almaı júrgender de boldy. Bul máseleni sheshý maqsatynda S.Jumanǵarın Saýda mınıstrligine qarasty QazTrade saýda saıasatyn damytý ortalyǵyna tıisti tapsyrmalar berdi.
«Eksporttaýshylardy qoldaýdyń birneshe tetigi bar. Sonyń biri – QazTrade saýda saıasatyn damytý ortalyǵy arqyly qoldaý. Eksporttaýshylardyń shyǵyndaryn óteýge qatysty sizderde aldaǵy ýaqytta problema bolmas úshin túsindirme jumystaryn kúsheıtemiz», dedi S.Jumanǵarın.
Vıse-mınıstr kezdesýden bólek azamattardy jeke qabyldady. Kóterilgen máseleler arasynda bazardy jańǵyrtý, zardap shekken bızneske kómek kórsetý jáne taǵy basqa suraqtar boldy.
