«Eń iri shtattan tys bırjalar apta saıyn jańartylady. Aı saıyn aqparat, jyljytý algorıtmderi, esepteýler, komıssııalar jáne t.b. ózgeredi. Kýrs barysynda biz Upwork-ta 100% job success score reıtıngi bar top-rated mamandarynan sońǵy aqparatty jınadyq. Biz tek jeke tájirıbemizben bólisip qana qoımaı, tapsyrys berýshi tarapynan kózqarasymyzdy kórsetemiz jáne ondaǵan básekeles frılanserler arasynda tizimniń joǵary kóterilýine kepildik berý úshin oqýshylardyń beıinin ilgeriletý algorıtmderin baptaýǵa kómektesemiz», dep atap ótti bilim berý baǵdarlamalary keńsesiniń dırektory Azız Tileýmuratov.
Kýrs platformada satý profılin qurýdan bastap tapsyrystyń jabylýyna deıingi eń ózekti máselelerdi qozǵaıdy jáne monetızasııa tásilderine basa nazar aýdarady. Freelance School baǵdarlamasy jańadan bastaýshylarǵa da tájirıbeli frılanserlerge de paıdaly bolady: árkim ózderi úshin qajetti tájirıbe taýyp, bolashaqta joǵary aqy tólenetin tapsyrystar alý úshin óz quzyrettilikterin jaqsarta alady.
Oqý qorytyndysy boıynsha oqýshylar tolyǵymen daıyn satý profılin jasaı alady, frılanserdi tańdaý kezinde tapsyrys berýshiniń basymdyqtaryn túsinýdi, komıssııalar, alymdar, salyqtar týraly bárin bilýdi, daýly jaǵdaılardy sheshýdi úırenedi.
Onlaın oqytý 4 aptaǵa sozylady jáne beıne dáristerden, praktıkalyq vebınarlardan, trenıngten turady. Qorytyndysy boıynsha kýrstyń árbir túlegine oqýdan ótkeni týraly sertıfıkat beriledi.
Freelance School baǵdarlamasyna qatysýǵa ótinimder 17 qyrkúıekke deıin qabyldanady.
