Tergeý málimetterine sáıkes, A. esimdi azamatsha ózin ekinshi deńgeıli bankterdiń biriniń kepil múlkimen jumys isteý boıynsha qyzmetkeri retinde tanystyryp, Almatyda joq páterlerdi satqan.
Megapolıstiń birneshe turǵyny polısııaǵa júgingennen keıin atalǵan is boıynsha tergeý júrgizilip, alaıaqtyń kim ekeni anyqtaldy.
«Kúdikti páterlerdi arzan baǵamen satý syltaýymen tólem jasaýdy talap etti. Jábirlenýshilerdiń aıtýynsha, depozıt somasy páterdiń sýretterine baılanysty boldy. Alaıaq 3 bólmeli páter úshin 70 myń dollar, 1 bólmeli páter úshin 17 myń dollar suraǵan. Aqshany alyp alǵannan keıin «kásipker áıel» baılanysqa shyǵýdy toqtatqan. Al aldanǵan azamattar ýáde etilgen turǵyn úıdi ondaǵan jyldar boıy kútti. Nátıjesinde qylmysker qolǵa ustaldy. QR QK 190-baby 3-bóligi 1-tarmaǵy boıynsha sotqa deıingi tergeý júrgizilýde. Tergeý barysynda ustalǵan azamattyń osyndaı 4 epızodqa qatysy bar-joǵy anyqtaldy. Zalaldyń jalpy somasy anyqtalýda», dedi Almaty qalasy PD Tergeý basqarmasynyń bastyǵy Muhamedáli Seısenuly.
Aıyptalýshyǵa qatysty tergeý kezeńinde qamaýǵa alý túrindegi bultartpaý sharasy tańdaldy. Tergeý jalǵasýda.
