«О́kinishke qaraı, dúnıejúzilik densaýlyq saqtaý júıesi bul jahandyq máseleni eńsere almady jáne bul indetpen kúrestiń ótkir kezeńi birjaqty ultshyldyqtyń, vaksınalyq ultshyldyqtyń órshýine, eksport pen saıahattyń jabylýyna, halyqaralyq ınstıtýttardyń álsireýine ákep soqty», dedi Prezıdent.
Osy oraıda ol karantın sharalary kóp salaǵa jaǵymsyz áserin tıgizgenin atap ótti.
«Karantın sharalary jetkizý tizbekterin buzyp, týrızm, qyzmet kórsetý, kólik jáne basqa da salalarǵa jaǵymsyz áserin tıgizdi. Álemniń az damyǵan aımaqtarynda azyq-túlik tapshylyǵy oryn aldy. Sol aralyqta álemdik derjavalar arasyndaǵy geosaıası konfrontasııa kúsheıip, túrli aımaqtarda shıelenistiń kóbeıýine ákep soqty. Aldyńǵy halyqaralyq qaýipsizdik júıesi kóz aldymyzda qıraýda. Ekstremızm men terrorızm eń kúrdeli syn-qater bolyp qaldy. Energetıkalyq krızıs kómirsýtegi neıtraldyǵyna qol jetkizýge kedergi keltirýde. Bul synaqtarǵa beı-jaı qaraı almaımyz», dedi Qasym-Jomart Toqaev.
