Bıyl jylytý maýsymyna daıyndyq naýryz aıynda bastalǵan. Qazir bul tarapta kún saıyn taldaý jasalyp otyr.
Máselen, keıingi 4 aıda elordaǵa 75 myń tonna kómir jetkizilgen. Bul kórsetkish ákimdik málimdegen qajettilikten eki ese joǵary (37 myń tonna). Al, qyrkúıek aıyna kommýnaldyq-turmystyq sektor men turǵyndar úshin kómir ónimine qajettilik jospary 67 myń tonnany quraıdy. Búginde bul kólemniń jartysy bas qalaǵa jetkizilgen.
Kóktal aýdanynda ornalasqan «Bek-Aıda» JK kómir qoımasynyń syıymdylyǵy 12 vagondy quraıdy.
«Byltyr kún saıyn 150-200 kómir tıelgen kólik jóneltildi. Kómir birden vagonnan satyldy. Sáıkesinshe, uzyn-sonar kezek boldy. Qazir mundaı dúrbeleń joq. Azamattar jaz mezgilinen bastap kómir satyp alýda. Sonymen qatar gazdandyrý jumystary da belsendi júrgizilýde. Búginde halyqtyń 50-60 paıyzy kómir satyp alǵan», deıdi kómir qoımasynyń meńgerýshisi Dýlat Qusaıynov.
Aıta keteıik, temir jol tuıyqtarynda Maıkóbe kómiriniń bir tonnasy 12 500 teńgeden, Shubarkól kómiri – 13 800 teńge jáne Qarajyra kómiri 14 500 teńgeden satylyp jatyr.
