Eki óńirdiń taýar óndirýshileri elordaǵa 459 tonna ónim ákeledi, onyń ishinde: 84 tonna - kókónis, 62 tonna - jemis-jıdek, 48,7 tonna - kartop, 41,5 tonna - et, 9 tonnadan astam - sút ónimderi, 8 tonna - balyq, 500 kg - bal, sondaı-aq 189 tonnany quraıtyn basqa da ónimder bar.
Jalpy, Jetisý oblysy 54 taýar túrin, Almaty oblysy 42 túrin usynady. Olardyń arasynda ósimdik maıy, qant, un, jarma, ulttyq sýsyndar jáne basqalar da bar.
Jármeńke aıasynda elorda turǵyndary men qonaqtary úshin konserttik baǵdarlama daıyndaldy.
Eske sala ketsek, atalǵan jármeńke aýyl sharýashylyǵy óndirýshilerine óz ónimderin tikeleı tutynýshylarǵa deldalsyz satýǵa múmkindik beredi, bul taýarlarynyń baǵasy naryqtan 10-20%-ǵa tómen bolatynyn bildiredi.
Aıta ketsek, elordadaǵy jármeńkeler 13 qarashaǵa deıin ár senbi jáne jeksenbi kúnderi ótedi. Qala turǵyndary men qonaqtary Turan 48 mekenjaıynda ornalasqan «Astana-Arena» stadıonynyń janyndaǵy alańǵa baryp, qos óńirdiń taýarlaryn satyp ala alady.
Kelesi demalys kúnderi, ıaǵnı 24-25 qyrkúıek kúnderi Batys Qazaqstan jáne Atyraý oblystarynyń kásipkerleri óz ónimderin usynady.
