Qasym-Jomart Toqaev Shahbaz Sharıfke iltıpat bildire otyryp, jýyrda Pákistanda bolǵan joıqyn sý tasqyny saldarynan kóptegen adamnyń qaza bolýyna jáne onyń elge aıtarlyqtaı zardabyn tıgizýine baılanysty taǵy da kóńil aıtty.
Memleket basshysy Qazaqstannyń dostas Pákistan halqyna shynaıy tileýlestiginiń belgisi retinde tabıǵı apattan zardap shekkenderge gýmanıtarlyq kómek kórsetkenin jáne bul eldi aldaǵy ýaqytta da qoldaýǵa daıyn ekenin naqtylady. Memleket basshysy eki el berik seriktestik pen mazmundy saıası dıalog ornatyp, saýda-ekonomıkalyq jáne kólik-logıstıkalyq baılanystardy nyǵaıtý úshin belsendi jumys istep jatqanyna toqtaldy.
О́z kezeginde Shahbaz Sharıf qıyn-qystaý jaǵdaıda eline qoldaý kórsetkeni úshin Qazaqstan Prezıdentine zor rızashylyǵyn bildirdi. Pákistan premer-mınıstri joıqyn sý tasqyny klımattyń ózgerýi saldarynan bolyp otyrǵanyn aıtty. Ol Qazaqstan men Pákistan arasyndaǵy kópjaqty yntymaqtastyqty nyǵaıtýǵa daıyn ekenin, sondaı-aq eki eldiń saýda-ekonomıkalyq seriktestigin arttyrýǵa yqpal etetinin jetkizdi. Sonymen qatar kezdesýde óńirlik qaýipsizdikti qamtamasyz etý máseleleri kóterildi.
