Aıta ketsek, atalǵan joba aıasynda qazaqstandyq bilim berý baǵdarlamasyna fın jáne sıngapýrlyq úzdik tájirıbeler engizilgen.
«Ybyrai mektebi» jobasy Qulynjon mektebiniń túlegi Aıdyn Rahymbaevtyń bastamasymen «Aidyn & Anar Rakhimbayev Foundation» qorynyń qarajatymen júzege asyrylyp jatqanyn atap ótý kerek. Atalǵan jobaǵa salynǵan ınvestısııa kólemi shamamen 2 mıllıon dollardy qurady.
Aýyl mektebinde qaıta qurý, kúrdeli jóndeý jumystary jáne jańa kommýnaldyq ortalyq qurylysynyń jumystary júrgizildi. Ǵımarat zamanaýı jabdyqtarmen jabdyqtalǵan. Búgingi kúni bul 1 jastan 5 jasqa deıingi balalarǵa arnalǵan bóbekjaı, bastaýysh mektep, orta jáne joǵary mektep, sondaı-aq aýyldyń barlyq turǵyndary úshin komıýnıtı ortalyǵy bar úlken keshenge aınalyp otyr. Atalǵan model úzdiksiz oqý prosesin, balalardyń bala baqshadan bastaýysh mektepke deıin stressiz ótýin jáne odan ári oqytýdyń biryńǵaı tásilin qamtıdy. Mańyzdysy ózara baılanystyń bolýy, ıaǵnı qoǵamdastyq ortalyǵynyń jumysy mindetti túrde úsh jaqty - balanyń, muǵalimniń jáne ata-ananyń qatysýyna baǵyttalǵan.
«Ybyrai mektebi tujyrymdamasynda 0-6 synyptardy bastaýysh mektep retinde qarastyramyz jáne úzdiksiz júıeni usynamyz. Eń mańyzdysy, bala kez kelgen daǵdyny ıgerý kerek. Ol úshin biz logıkany (durys oılaý qabileti), rıtorıkany (durys sóıleý qabileti), grammatıkany (durys jaza bilý) jáne ónertapqyshtyq máselelerdi sheshý teorııasyn jetildirýge nazar aýdaramyz. Joǵary synypty aıaqtaǵan árbir oqýshymyz bolashaqta óziniń kim bolatynyn naqty túsinýi qajet. Gallap synaǵy arqyly olar 9-10 synyptarda óz qabiletteri boıynsha tolyq taldaý alady. Biz sondaı-aq ata-analar men barlyq aýyl turǵyndary úshin qolaıly jaǵdaı jasaımyz, basqasha aıtqanda, olardy oqý prosesine tartamyz. Bul - zamanaýı kitaphanasy, kınoteatry, horeografııalyq zaly, qoldanbaly óner, mýzyka kabınetteri, balalar jáne eresekter oıyn alańdary, planetarııi bar qaýymdastyq ortalyǵy. Eger biz aýyldy álemge shyǵara almasaq, álemdi aýylǵa ákele alamyz», deıdi Qulynjon mektebiniń dırektory Aralbek Berikuly.
