Júzdesýde Qazaqstan men Halyqaralyq Qyzyl Krest komıteti arasyndaǵy yntymaqtastyqty nyǵaıtý perspektıvalary qarastyryldy. Sondaı-aq halyqaralyq jáne óńirlik kún tártibindegi ózekti máseleler, sonyń ishinde Aýǵanstandaǵy gýmanıtarlyq jaǵdaı talqylandy.
Qasym-Jomart Toqaev qyzmetinen ketip jatqan Pıter Maýrerge uıymdy basqarǵan sońǵy on jylda tabysty jumysy men bizdiń elimizben yntymaqtastyqty nyǵaıtýǵa qosqan úlesi úshin rızashylyq bildirdi.
Pıter Maýrer óziniń qyzmetin joǵary baǵalaǵany úshin Qazaqstan Prezıdentine alǵys aıtty.
Halyqaralyq uıym tóraǵasy Qasym-Jomart Toqaev basshylyǵymen elde júzege asyrylyp jatqan aýqymdy reformalardyń mańyzdylyǵyn jáne Halyqaralyq Qyzyl Krest komıtetimen yntymaqtastyqty damytýǵa qosqan úlesin atap ótti.
