О́tkenge kóz tastap otyrý – búgingilerdiń paryzy

Kóshpeli qazaq halqynyń báıterektiń tamyry tárizdi tereńde jatqan tarıhyna úńiletin bolsaq, egemendiktiń tizgini qazaq halqyna ońaılyqpen kelgen joq. О́tken tarıhyn bilmegen adam jetesiz demekshi, tarıhymyzdy dáriptep, ótkenimiz ben búginimizdi saralaı bilgenimiz jón. О́tken tarıhymyzdaǵy Joń­ǵar basqynshylaryna qarsy kúres­ter, patsha ókimetine qarsy bas kóterýler, Uly Otan soǵysy, son­daı-aq, Táýelsizdikti ańsaǵan jas­tardyń narazylyǵynan týyndaǵan Jeltoqsan kóterilisi syndy qazaq tarıhyndaǵy kóptegen eleýli oqı­ǵalar elimizdiń Táýelsizdigi jolyndaǵy mańyzdy qadamdar bolyp tabylady. Handyq júıeden keıingi Reseı ókimetiniń otarlaý saıasaty saıyn dala tósinde kók shalǵynǵa aýnap ósken qazaq halqy úshin úlken syn boldy. Otarshyldyq ezginiń qursaýynda ótken 70 jyl ishinde qazaq halqyna tili men dininen, ádet-ǵurpy men salt-sanasynan aıy­rylý qaýpi tóngen bolatyn. Alaıda, halqymyz babamyzdyń qanymen, anamyzdyń aq sútimen boıyna daryǵan ulttyq qundylyqtaryn joǵaltqan joq. «Qazaqstannyń táýelsizdigi qazaqtarǵa tartqan taǵdyrdyń syıy emes, óziniń ejelgi jerinde qıly kezeńderdi bastan keshý arqyly qoly jetken zańdy quqyǵy», dep kóregen Elbasymyz Nursultan Nazarbaev aıtqandaı, qazaq halqynyń bastan ótkergen tarıhy – uıalatyn tarıh emes, maqtanatyn tarıh. Sebebi, qazaq halqy ózge halyqtardyń taǵ­dyryna eshqashan qııanat jasaǵan joq, tek óziniń azattyǵy jolynda ólispeı, berispedi. Myń ólip, myń tirilgen halqymyzdyń ejelden ańsaǵan asyl muraty egemendiktiń týyn tigý bolatyn. Kıeli qazaq jerinde 1991 jylyń 16 jeltoqsanynda kópten kútken uly toı – Táýelsizdikke qolymyz jetip, ashyq aspan astynda kók Týymyz jelbiredi. Táýelsizdikpen birge egemen Qazaqstannyń jańa tarıhyndaǵy jańa better ashyldy. Elbasymyzdyń saılanýy, Ult­tyq valıýtamyz – teńgeniń qolda­nysqa enýi, Memlekettik rámizde­rimiz ben Ata Zańymyz – Kons­tıtýsııanyń qabyldanýy, Qazaq­stannyń halyqaralyq uıymdarǵa múshe bolýy men Saryarqanyń tó­sinde, erke Esildiń boıynda arý Astanamyzdyń boı kóterýi – egemendigimizdiń jemisi. Egemendik alý jolynda ata-babalarymyz qanshama ter tókken bolsa, qazirgi tańda egemendigimizdi saqtap turý da bolashaq urpaqtyń sonshalyqty ter tógýin qajet etedi. Táýelsiz Qazaqstannyń árbir ulanynyń boıynda elge degen qurmet pen súıispenshilik seziminiń bolýy zańdy. Keń-baıtaq Qazaqstanymyzdyń táýelsizdigin kózimizdiń qarashyǵyndaı saqtaý – bizge júktelgen mindet! Mine, búginde Táýelsizdigimizdi alyp, eńsemizdi tiktegeli 22 jyl boldy. Qazaqstan jas ta bolsa, 22 jyldyń ishinde kóptegen jetis­tikterge qol jetkizip, damy­ǵan memlekettermen terezesi teń dáre­jege kóterildi. Táýelsizdik alǵan­nan keıin Elbasymyz Nursultan Nazarbaevtyń basshylyǵymen Qazaqstan halqy yntymaqtasyp, ultaralyq birlikti nyǵaıtýǵa qol jetkizdi. Sondaı-aq, qazaq hal­­qynyń bolmysynan boıyna daryǵan tatýlyǵy men qonaq­jaıly­­lyǵynyń nátıjesinde qazaq sha­ńy­raǵynyń astynda túrli ult ókil­deri beıbit kún keship, Qazaq­stan ózge memlekettermen túrli dıp­lo­ma­tııa­lyq qarym-qatynastar ornatýda. «Qazaqstan-2050» Strategııa­lyq damý baǵdarlamasyn qabyl­daý arqyly Qazaqstannyń bola­shaǵyna jarqyn josparlar qu­ryldy. Elbasymyzdyń kóregen­dilik­pen júrgizgen saıasattary halyqtyń kóńiline senim uıalatyp, egemendigimizdi tuǵyrly etýge baǵyt­taldy. Qazaq eli búgingi kúni álem­dik qo­ǵamdastyqtyń laıyqty múshesi re­tinde damý ústinde. Osy oraıda atap ótetin jaıt, Qazaq­stan 2012 jyly elordamyz Asta­na­da EKSPO-2017 kórmesin ótki­zý qurmetine ıe boldy. Bul – biz­diń básekege qabiletti elge aınal­ǵany­myzdyń aıǵaǵy. Kórmeni sátti ótkizý elimizdiń alǵa qoıǵan basty maqsattarynyń biri bolyp otyr. «Erteńgi el bolashaǵy keleshek urpaqtyń qolynda», dep Elbasy keleshek urpaqqa úkili úmit artady. Árıne, qazirgi Qazaqstanda bilimi men parasaty, óneri men daryny, adamgershiligi men mádenıettiligi, ultjandylyǵy men elge degen súıispenshiligi úılesim tapqan urpaq ósip keledi. Demek, egemen elimizdiń erteńi eńseli bolatynyna esh kúmán bolmaýy tıis. Dınara DOSPAN, №69 mektep-gımnazııanyń 11-synyp oqýshysy. ASTANA.