Kórmeni ashý saltanatynda QR Indýstrııa jáne ınfraqurylymdyq damý mınıstri Qaıyrbek О́skenbaev sóz sóılep, barlyq shara qatysýshylaryn kooperasııalyq yntymaqtastyqty damytýǵa jáne birlesken jobalardy júzege asyrýǵa shaqyrdy.
«О́nerkásiptik yntymaqtastyqty damytýdy yntalandyrý barlyq múddeli elderdiń ıgiligi úshin ońtaıly septigin tıgizedi. Bizdiń ózara tıimdi kooperasııa odan ári damýymyz úshin turaqty tirek bolatynyna úmittimin», dep atap ótti mınıstr.
Halyqaralyq kórmeniń ashylý rásimine Qazaqstan mashına jasaýshylar odaǵy basqarmasynyń tóraǵasy Meıram Pshembaev, Túrkııa Respýblıkasynyń Qazaqstandaǵy elshisi Ýfý Ekıdjı, Belarýs Respýblıkasynyń Qazaqstandaǵy elshisi Pavel Ýrıýpın qatysty.
Bıyl ekinshi márte ótip jatqan kórmege otandyq óndirýshilermen qatar álemniń 16 elinen kelgen 250-ge jýyq kompanııa qatysyp jatyr. Sheteldik qatysýshylardyń qatarynda Avstrııa, Belarýs, Germanııa, Danııa, Izraıl, Ispanııa, Italııa, Reseı, Túrkııa, О́zbekstan, Fransııa, Chehııa, Shveısarııa, Shvesııa, Ońtústik Koreıa jáne Iran elderiniń ókilderi bar.
Kórmede mashına jasaý, robototehnıka jáne avtomattandyrý, taý-ken metallýrgııa kesheni, hımııa ónerkásibi, farmasevtıka jáne medısına, aǵash óńdeý jáne jıhaz ónerkásibi, sý ónerkásibi, qurylys ındýstrııasy men jeńil ónerkásip baǵyttarynyń ónimderi usynylǵan.
Kórme aıasynda ekijaqty kezdesýler, konferensııalar men semınarlar ótip jatqanyn da aıta ketý kerek.
