«Samuryq-Qazyna» qory «Temirbanktegi» ózine tıesili úlesti jáne «Alıans Banktegi» aksııalardyń óz bóligin Bolat О́temuratovqa satý boıynsha mámileni aıaqtady
Astana q. 2014 jylǵy 15 mamyr
«Samuryq-Qazyna» AQ pen Bolat О́temuratov 35,7 mlrd. teńge somaǵa «Temirbank» AQ 79,88% jaı aksııalaryn, sondaı-aq 1,5 mlrd. teńge somaǵa «Alıans Bank» AQ-da 16,00% jaı jáne artyqshylyqty aksııalardy satý jáne satyp alý boıynsha mámileni aıaqtady. Qosymsha «Temirbank» AQ 2010-2012 jyldardaǵy bólinbegen paıda esebinen «Samuryq-Qazyna» AQ-ǵa 9,1 mlrd. teńge mólsherinde dıvıdendter tóledi. Mámileniń nátıjesinde «Samuryq-Qazyna» AQ 51% jaı jáne artyqshylyqty aksııalarymen «Alıans Bank» AQ aksııalarynyń baqylaý paketin saqtap qalady, al Bolat О́temuratov «Temirbank» AQ-da baqylaýshy aksıoner bolady. Retteýshi organdardan eki mámileni tıisinshe maquldaý 2014 jylǵy 20 naýryzda alyndy. «Memleket basshysynyń tapsyrmasyna sáıkes júzege asyrylatyn bankterdiń aksııalaryn satý qarjy sektoryn turaqtandyrý bóliginde daǵdarysqa qarsy baǵdarlamanyń kezekti qadamy bolyp tabylady, ol «Samuryq-Qazyna» qoryn bankterdi basqarý jónindegi ózine tán emes fýnksııalardan bosatady. Tutastaı alǵanda, qarjy ınstıtýttaryn berý qarjy naryǵyna oń yqpal etedi, táýelsizdik beredi jáne Qazaqstannyń banktik sektoryn damytýda bankterdiń jańa menshiktenýshileriniń birshama belsendi qatysýyna járdemdesetin bolady», dep atap kórsetti «Samuryq-Qazyna» AQ basqarma tóraǵasynyń orynbasary Elena Bahmýtova. Bolat О́temuratov bylaı dep atap kórsetti: «Temirbank» aksııalarynyń baqylaý paketin jáne «Alıans Bank» aksııalarynyń mınorıtarlyq paketin satyp alý boıynsha mámilelerdi aıaqtaý osy bankterdi qalpyna keltirý prosesinde basty qadam bolyp tabylady. «Temirbank» basshylyǵynyń aldynda kórsetiletin qyzmetter sapasyn jaqsartý jáne bıznes strategııany oryndaý boıynsha naqty mindetter qoıyldy. Men taıaýdaǵy bolashaqta banktiń klıentteri osy bankpen ózara qarym-qatynastar retinde aıtarlyqtaı jaqsarǵanyn sezinedi dep kútemin. «Alıans Bankke» qatysty «Samuryq-Qazyna» qorymen birlesip Banktiń kapıtalyn ornyqty túrde qalpyna keltirý maqsatynda onyń syrtqy mindettemelerin qaıta qurylymdaý boıynsha bank kredıtorlarynyń ókilderimen muqııat jáne jan-jaqty kelissózder júrgizilýde. О́z tarapymnan, men «Temirbanktiń» kapıtalyn quıý jáne olardy bolashaqta qosý jolymen «Alıans Bankin» qalyp keltirýge qatysýǵa daıynmyn. «Samuryq-Qazyna» qory osyndaı biriktirilgen bankti eleýli kólemde uzaq merzimdi qor jasaýymen qoldaýǵa nıet bildirip otyr.Sonymen qatar, «Alıans Banktiń» kapıtalyn qalpyna keltirý onyń odan arǵy bolashaǵyn qamtamasyz etý úshin qajetti, osy úderiske qatysý kóp dárejede kredıtorlardyń tilegine baılanysty. Biz tabysty nátıjelerge qol jetkizý úshin kredıtorlarmen kelissózderge barlyq kúsh-jigerimizdi jumsaımyz. Bul «Alıans Bank» jáne «Temirbankti» biriktirý úshin negizgi talap bolyp tabylady. «Temirbankke» eleýli qarajat pen kúsh-jiger ınvestısııalanǵan, sondyqtan biriktirilgen bank tolyq baǵaly ómirge ıkemdi bolý múmkindigine ıe bolýy tıis. Men «Alıans Bankti» qaıta qurylymdaýdy jáne «Temirbankpen» biriktirý úderisin aıaqtaǵannan keıin biriktirilgen bank kapıtaldyń jetkiliktiligi jáne ótimdilik deńgeıi boıynsha Qazaqstannyń banktik júıesi kóshbasshylarynyń biri bolatynyna senemin». «Samuryq-Qazyna» AQ osymen «Temirbank» AQ aksıonerleri men kredıtorlaryn qosa alǵanda, barlyq múddeli taraptarǵa mámile jasaý kúninde «Temirbank» AQ qaıta qurylymdaý sheńberinde qabyldanǵan «Samuryq-Qazyna» AQ barlyq mindettemeleriniń qoldanysy toqtatylǵany týraly habarlap jetkizedi. «Samuryq-Qazyna» ulttyq ál-aýqat qory» AQ Jurtshylyqpen baılanys departamenti: +7 (7172) 55-41-14.
