Beınebaqylaý kamerasy zańsyz áreketti tirkegennen keıin birneshe mınýt ótken soń oqıǵa ornyna tártip saqshylary kelgen. Polıseılerdi kóre salysymen jas jigit qolyndaǵy zattarynan qutylýǵa asyqqan. Biraq oıyndaǵysyn iske asyryp úlgermedi.
Saraptama kórsetkendeı, ustaý kezinde qala turǵyny esirtkige masań kúıde bolǵan.
«Polıseıler jas jigitten folgasy bar plastıkalyq bótelke men spesıfıkalyq ıisi bar qońyr-jasyl tústi ósimdik zaty salynǵan qaǵaz oramany tárkiledi. Saraptama qorytyndysyna sáıkes alynǵan zat keptirilgen marıhýana bolyp shyqty. Atalǵan fakti boıynsha QR QK-niń 296-baby 2-bóligi (Esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý) boıynsha sotqa deıingi tergeý júrgizilip jatyr», dep jazylǵan Polisia.kz taratqan habarlamada.
Marıhýananyń jalpy salmaǵy - 1,51 gramm.
