Qujatqa sáıkes, Assambleıa Qazaqstanda mádenıetterdiń, tilderdiń, halyq dástúrleriniń alýan túrliligin moıyndaı otyryp, ıntegrasııalanǵan azamattyq qaýymdastyqty odan ári nyǵaıtýǵa yqpal etedi, eldiń damý basymdyqtary aınalasynda qoǵamnyń toptasýy men birligine yqpal etedi.
Sondaı-aq QHA budan ári de azamattyq biregeılikti qalyptastyrýdyń jáne qoǵamdyq kelisimniń konstıtýsııalyq qaǵıdatyn iske asyrýdyń negizgi tetigi, memleket pen azamattyq qoǵamnyń únqatysý alańy bolady.
«Tujyrymdama birinshi kezekte Assambleıanyń Qazaqstan qoǵamyndaǵy beıbitshilik pen kelisim saıasatyn qamtamasyz etýdiń negizgi ıdeologııalyq tetikteriniń biri retinde jumys isteýin qamtamasyz etýge arnalǵan», delingen qujatta.
Tujyrymdama etnostardyń kirigýi, qazaqstandyq biregeılik pen jalpyulttyq birlikti damytý, qoǵamda beıbitshilik pen kelisimdi qamtamasyz etý salalarynda qoǵamda memlekettik saıasat qaǵıdattaryn túsindirý jáne iske asyrý boıynsha júıeli jumysty uıymdastyrýǵa baǵyttalǵan.
«Etnosaralyq qatynastar salasyn odan ári damytýdy Assambleıanyń barlyq ınstıtýttaryn jan-jaqty jańǵyrtý, sondaı-aq olardyń qazaqstandyq qoǵamnyń rýhanı jańarýyna belsendi qatysýy arqyly qoǵamdyq kelisim men jalpyulttyq birlikti nyǵaıtýdaǵy QHA rólin kúsheıtý turǵysynan júzege asyrý josparlanýda», delingen qujatta.
Qazaqstan halqy Assambleıasynyń negizgi qaǵıdattary:
- Adamnyń jáne azamattyń quqyqtary men bostandyqtarynyń basymdyǵy;
- Halyq pen memleket múddeleriniń basymdyǵy
- Shyǵý tegine, áleýmettik, laýazymdyq jáne múliktik jaǵdaıyna, jynysyna, násiline, ultyna, tiline, dinge kózqarasyna, nanymyna, turǵylyqty jerine baılanysty nemese kez kelgen ózge jaǵdaıattar boıynsha qandaı da bir kemsitýshilikke jol bermeý.
Atap ótilgendeı, bul qaǵıdattar etnosaralyq saladaǵy memlekettik saıasattyń jalpy qaǵıdattaryna sáıkes keledi jáne kelesi erejelermen tolyqtyrylady:
- Azamattyq qoǵam men memlekettiń senimi men ózara is-qımylyna negizdelgen qazaqstandyq patrıotızm;
- Memlekettik tildiń biriktirýshi róli;
- Ultty udaıy jańǵyrtý, «Áralýandyqtaǵy birlik» ıdeıasyn damytý jáne saıası oılaýdyń jańa formalaryn engizý;
- Barlyq etnıkalyq toptardyń ortaq qundylyqtary men múddelerine negizdelgen ınterkýltýralızm.
Qujatty iske asyrýdyń basty nátıjeleri Assambleıa ınstıtýtyn odan ári damytý, tabysty jańǵyrtýdyń jáne memleket damýynyń strategııalyq mindetterine qol jetkizýdiń negizgi faktorlary retinde qoǵamdyq kelisim men jalpyulttyq birlikti nyǵaıtý úshin qolaıly jaǵdaılar jasaý bolýy tıis dep kútilýde.
