Aımaqtar • 22 Qyrkúıek, 2022

Aqynyn izdegen ákim

44 ret kórsetildi

Densaýlyǵyna baılanysty on jyl boıy úıinde bilim alyp kelgen Nurdáýlettiń óleńderi aýdandyq, oblystyq gazetterde jarııalanǵan. Túrli deńgeıdegi shyǵarmashylyq jarystarǵa qatysyp, júldeli oryndardy jeńip alǵan onyń óleńderi júzge jýyqtapty.

Respýblıkalyq «100 úzdik daryndy oqýshy» atty baıqaýǵa qatysyp, I oryndy jeńip alǵan Nurdáýlettiń eńbegi kitapqa engizilgen. «Jas qa­lamger» baıqaýynda óleńderi úzdik dep tanylyp, arnaıy medalmen marapattaldy. Halyqaralyq ALASH STAR óner baıqaýynda arnaý nomınasııasymen júldeger atanyp, I dárejeli dıp­lom ıegeri atandy. Sondaı-aq pándik olımpıadalarǵa qatysyp, júldeli orynnan kórindi. Jas aqynnyń bir armany óz shyǵarmalaryn kitap etip basyp shyǵarý edi. Nurdáýlet óz oı-josparlarymen bóliskisi keletinin bil­dirip, Tóle bı aýdanynyń ákimi Tó­le­gen Telǵaraevtyń áleýmettik je­li­degi jeke paraqshasyna hat jazady. О́leń joldarynan úzindini qosa jibe­ripti, qoıar saýaly bar ekenin de jasyrmaǵan.

Jýyrda jasóspirimniń tilegin jerde qaldyrmaǵan aýdan basshysy Dıhankól eldi mekeniniń turǵyny, 11-synyp oqýshysy Nurdáýlet Dúı­senbekti arnaıy izdep baryp áńgi­melesti. Jas aqyn aýdan ákimimen bolǵan kezdesýde óziniń sııasy keppegen, esh jerde jarııalanbaǵan óleńderin oqyp berdi. Jastardyń boıyna patrıot­tyq sezim uıalatý maqsatynda jaz­ǵan shyǵarmalarymen tanystyrdy. Tóle bı aýdanynyń 90 jyldyq mereıtoıyna arnaǵan jyr shýmaqtaryn jatqa oqydy. Dúnıetanymy, oı-órisi keń jasóspirim óziniń jýrnalıst mamandyǵyn tańdaǵanyn aıtyp, BAQ betterine tolǵandyryp júrgen taqyrypty arqaý ete maqalalar ja­rııa­lap júrgenin de jetkizdi. Aýdan basshysyna shyǵarmalaryn ki­tap etip basyp shyǵarýdy arman etip júr­genin aıtyp, kómek surady. Tólegen Tur­taıuly jasóspirimniń ata-anasymen sóılesip, onyń óleńderi men maqalalaryn jınaqtaýyn ótindi. Shy­ǵar­malaryn kitap etip basyp shyǵa­rýǵa yqpal etýge ýáde berdi. Jas aqynǵa batyrlar jyry jazylǵan kitap pen onyń aýdıo nusqalaryn syıǵa tartty.galymja

Sondaı-aq aýdan ákimi óńirdegi jetekshi aqparat quraldarynda jemisti eńbek etip kele jatqan, túp-tamyryn izdeseń osy tabıǵaty tamasha taýly aımaqtan túlep ushqan jýrnalıstermen erkin formatta kez­desý ótkizdi. Aýdannyń 90 jyl­dyǵy aıasynda ótken kezdesýde aımaq­tyń qazirgi damý barysy, aldaǵy baǵyt-baǵdary baıan­daldy. Qalamger qaýy­myn emen-jarqyn pikir almasýǵa shaqyrdy. Bul basqosýǵa Tóle bı aýda­nynan túlep ushqan jýrnalıstermen birge kúlli qazaq jurtynyń árbir óńiri ardaqtaýǵa ábden laıyq, elge ortaq nar tulǵaly qalamgerler – bıyl 70 jasqa tolǵan jazýshy Serik Janábil men asqaraly 60 jasqa tolǵan jýrnalıst Baqtııar Taıjan mártebeli meıman retinde arnaıy shaqyrylǵan bolatyn. El qurmetine bólengen azamattarǵa aýdan ákimi Tólegen Turtaıuly quttyqtaý hatyn tapsyryp, ıyqtaryna shapan japty. Aýdandyq ardagerler keńesiniń tóraǵasy Átirhan Shyńǵysbaev ata­lyq aq tilegin arnady. Qazaqstan Jýr­nalıster odaǵy men Jazýshylar odaǵynyń Túrkistan oblystyq fılıaldary tóraǵalary mereıtoı ıelerine arnaıy syı-sııapat jasady. Kezdesýden keıin Serik Janábil men Baqtııar Taıjan oqyrmandarmen, jastarmen júzdesip, sheberlik saǵatyn ótkizdi.

 

Túrkistan oblysy

Sońǵy jańalyqtar

Messı jeńiske jeteleı almady

Fýtbol • Búgin, 07:35

Shırek fınalǵa ótti

Tennıs • Búgin, 07:33

Tórtinshi orynǵa turaqtady

Tennıs • Búgin, 07:32

Jýrnalıster arasyndaǵy jarys

Qoǵam • Búgin, 07:30

Júldeniń aýyly alys emes

Sport • Búgin, 07:28

Shırek fınalǵa shyqqandar belgili

Sport • Búgin, 07:27

Barymtaǵa – «qarymta»

Qoǵam • Búgin, 07:25

Asyq atýdan álem chempıony

Ulttyq sport • Búgin, 07:24

Úzdik pedagogke – jeńil kólik

Bilim • Búgin, 07:22

Adam kapıtalyn arttyrýǵa arnalady

Ekonomıka • Búgin, 07:20

Jańa qundylyqtar – bılik ózegi

Pikir • Búgin, 07:18

Jańa reformaǵa senim zor

Pikir • Búgin, 07:16

Kóptiń kókeıindegini dóp basty

Pikir • Búgin, 07:15

Jol jaqsarmaı, is ońǵarylmaıdy

Pikir • Búgin, 07:13

Úmit sózi

Pikir • Búgin, 07:12

Bul – bolashaqtyń tańdaýy

Pikir • Búgin, 07:08

Ashyqtyqty arttyratyn ıgi ister

Qazaqstan • Búgin, 07:05

Quqyq ústemdigi – kelisim kepili

Qazaqstan • Búgin, 07:03

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar