Keshe Úkimet úıinde Qyrǵyz Respýblıkasynyń Keden odaǵy men Birtutas ekonomıkalyq keńistikke enýi máseleleri boıynsha Qazaq-Qyrǵyz kelissózi ótti. Qazaqstan jaǵyn Premer-Mınıstrdiń birinshi orynbasary Baqytjan Saǵyntaev, qyrǵyz tarapyn osy eldiń ekonomıka mınıstri Temir Sarıev basqardy, dep habarlady Premer-Mınıstrdiń baspasóz qyzmeti.
Kezdesý barysynda Qazaqstan Úkimetiniń qoldaýymen, Qyrǵyzstannyń Keden odaǵyna qosylýy boıynsha «Jol kartasyn» júzege asyrý máseleleri talqylandy.
Sondaı-aq, taraptar saýda-ekonomıkalyq yntymaqtastyqtyń, atap aıtqanda, munaı-gaz salasyndaǵy, keden beketteriniń jumys isteýindegi, aýyl jáne sý sharýashylyǵyndaǵy, kóshi-qondaǵy, epızotıkalyq jaǵdaılardaǵy, veterınarlyq jáne fıtosanıtarlyq qaýipsizdik salalaryndaǵy perspektıvalardy qarady.
«Bizdiń elderimiz arasyndaǵy qarym-qatynas ekonomıkalyq tyǵyz baılanysta, yrǵaqty damýda.Qyrǵyzstannyń Keden odaǵyna qosylýy yntymaqtastyǵymyzdy arttyryp, bizdiń elderimiz ekonomıkalary men halyqtarynyń ıgiligine qyzmet etetin bolady», dedi B.Saǵyntaev.
Premer-Mınıstrdiń birinshi orynbasary eki el arasynda dostyq qarym-qatynas qalyptasqanyn jáne paıda bolǵan barlyq máselelerde túsinistik tabylyp kele jatqanyn atap kórsetti.
О́z kezeginde, T.Sarıev qyrǵyz jaǵynyń Qazaqstanmen ekonomıkalyq yntymaqtastyqty jandandyrýǵa ázir ekendikterine jáne talqylanǵan máseleler boıynsha qoldaýǵa ıe bolatynyna úmit artatyndyqtaryna toqtaldy.