Kún tártibi belgilendi

Keshe Qabıbolla Jaqypovtyń tóraǵalyǵymen Májilis bıýrosy ótti. Onda palatanyń aldaǵy jalpy otyrysynda qaralatyn kún tártibiniń jobasy naqtylandy, dep habarlady Májilistiń baspasóz qyzmeti. Depýtattardyń tal­qy­laýy­na ekinshi oqylymǵa tur­ǵyn úı qaty­nas­taryna qa­tysty zańnamalyq túzetýler shyǵarylatyn boldy. «Ká­sip­tik odaqtar týraly» zań jobasy ilespe túzetýlerimen depý­tat­tarǵa ekinshi oqylymǵa jiberildi. Palata, solarmen birge, eki ratıfıkasııalanatyn zań jo­balaryna da qorytyndy ázirleý mezgilin naqtylaıtyn bolady. Olar: Qazaqstan – Reseı arasyndaǵy Qazaqstan aý­maǵy arqyly Qytaıǵa reseılik munaıdy tasymal­daý tý­raly kelisim men Qorǵas óze­­nin­­de «Dos­tyq» bir­lesken or­­taq sý torabyn bas­qarý já­ne paı­da­laný týraly keli­simder. Sonymen qatar, osy jal­­py otyrysta Májilis «Qa­zaq­­stan Res­pýb­lıkasynyń aza­mat­taryna, oral­man­darǵa jáne Qazaqstan Respýb­­lıkasynda turýǵa yqtııar­haty bar tulǵalarǵa olardyń múlikti jarııa etýine baılanysty raqymshylyq jasaý týraly» zań jobasyna ilespe túzetýlerimen birge qorytyndy ázirleý mezgilin naqtylaıtyn bolady.