Ekologııa • 23 Qyrkúıek, 2022

Dúnıejúzilik tazalyq kúnine arnalǵan aksııa qorytyndylandy

84 ret kórsetildi

«Ǵalamshardy tolyq tazalaý» — uıymdastyrýshylar Dúnıejúzilik tazalyq kúnine arnalǵan aksııany osylaı ataıdy, bul aksııaǵa dástúr boıynsha ǵalamshardy tazartýǵa jáne ekologııa máselelerine qoǵamnyń nazaryn aýdartýǵa talpynatyn álemniń 180-nen astam elinen mıllıondaǵan eriktiler qosylady, dep habarlaıdy Egemen.kz.

Aıta ketsek, Qazaqstan bul aksııaǵa besinshi jyl qatarynan qatysýda, al onyń uıymdastyrýshylary Qazaqstan Respýblıkasynyń Ekologııa, geologııa jáne tabıǵı resýrstar mınıstrligi men ákimdikterdiń qoldaýymen «Qazaqstannyń ekologııalyq uıymdarynyń qaýymdastyǵy» ZTB, «Jasyl ekonomıkany qoldaý jáne G-Global-dy damytý Koalısııasy» ZTB, «Let's do it, Qazaq eli» QQ boldy.

Elimizdiń qalalary men qala mańyndaǵy qoqystardy tazalaýǵa ekologııa máselelerine beı-jaı qaramaıtyn 33 myń qazaqstandyq shyqty.

Ekologııa, geologııa jáne tabıǵı resýrstar mınıstrliginiń málimetinshe, aksııa barysynda 8 myń gektardan astam jer tazartylyp, 20 myń tonnadan astam qoqys jınaldy, al jınalǵan qoqys suryptalyp, qaıta óńdeýge jiberildi. Sonymen, 1,8 myń tonnadan astam shyny, 3 myń tonna plastık, 2 myń tonna rezeńke, 2,8 myń tonna qaǵaz jáne karton, 1 myń tonna metall jiberildi.

M
Aksııa aıasynda eldi mekenderdiń tóńiregindegi ruqsat etilmegen qoqys tastaıtyn jerlerdi joıý, qalalardyń rekreasııalyq aımaqtaryn, saıabaqtar men alleıalaryn tazartý jumystary júrgizildi. Aýlalardy tazalaý jumystaryna óńirler men uıymdardyń turǵyndary barynsha tartyldy. Oǵan eriktiler, ekobelsendiler, qoǵam belsendileri, bıznes ókilderi qatysty. Qatysýshylar sany shamamen 330 myń adamdy qurady. Bul 33 myńnan astam volonter, 77 myńnan astam memlekettik organdardyń ókilderi, 131 myńnan astam azamattar.

«Qalalarda da, aýyldyq deńgeıde de stıhııalyq qoqys úıindileri men qoqystardyń kóp mólsherin qalyptastyrý - bul tutynýdyń álsiz mádenıeti men adamnyń qorshaǵan ortaǵa selqos qaraýynyń saldary. Máseleniń sebebi ózimizde. «Stop Musor» jobasy azamattardyń áleýmettik jaýapkershilik deńgeıin arttyrýǵa yqpal etetinine senimdimin! Osyǵan baılanysty QEUQ osy mańyzdy jáne mándi jobany jalǵastyrýda, onyń negizgi ıdeıasy qarapaıym tezıs. О́z qoqysyńdy qoqys jáshigine jetkizý qıyn emes», dedi Qazaqstannyń Ekologııalyq uıymdary qaýymdastyǵynyń basqarma tóraıymy Aıgúl Soloveva.   

«Stop Musor» áleýmettik-ekologııalyq jobasy Qazaqstanda 2020 jyldan bastap turmystyq qaldyqtardy durys kádege jaratý mádenıetin tárbıeleý, qoqystaný deńgeıin tómendetý jáne qazaqstandyqtar arasynda QTQ-ny bólek jınaýdy tanymal etý maqsatynda iske asyrylýda. Joba osy jyly dástúrli túrde Dúnıejúzilik tazalyq kúnine arnalǵan aksııaǵa qatysqan «Fılıp Morrıs Qazaqstan» kompanııasynyń qarjylyq qoldaýymen júzege asyrylýda.

Almatyda kompanııanyń 80–nen astam qyzmetkeri men olardyń otbasy músheleri asa lastanǵan jerleri - Kazachka jáne Aıýsaı ózenderiniń shatqaldarynda qoqysty tazalaý úshin Almarasan shatqalyna attandy. 620 kg turmystyq qaldyqtar men basqa da qoqystar jınaldy, olar qaptarǵa salynyp, odan ári kádege jaratý úshin shyǵaryldy.

«Bizdiń taýlarymyzdyń ásemdigi árdaıym týrısterdi qyzyqtyrady, biraq, ókinishke qaraı, olardyń barlyǵy qorshaǵan ortany qorǵaýǵa jaýapkershilikpen qaraı bermeıdi jáne qoqys qaldyrýdy jalǵastyrýda. Al Alma-Arasan shatqaly – týrıster arasynda eń tanymaldardyń biri. Biz saıabaqtyń aýmaǵyn tazalaı alǵanymyzǵa qýanyshtymyz, biraq tanymal danalyqty eske salǵym keledi – tazalanatyn jerde emes, qoqys tastalmaıtyn jerde tazalyq bar. «Fılıp Morrıs Qazaqstan» kompanııasy óndiriste de, fabrıkadan tys jerlerde de qorshaǵan ortany qorǵaýǵa úlken kóńil bóledi. Sondyqtan Qazaqstannyń Ekologııalyq uıymdary qaýymdastyǵymen yntymaqtastyqta halyqtyń ekologııalyq saýattylyǵyn arttyrýǵa baǵyttalǵan «Stop Musor» jobasy iske qosyldy. Al, Dúnıejúzilik tazalyq kúniniń halyqaralyq bastamasy kompanııa qyzmetkerlerinen qoldaý taýyp, qatysýǵa nıet týdyrýda», dep túsindirdi «Fılıp Morrıs Qazaqstan» JShS turaqty damý jónindegi basqarýshysy Rınat Zaıtov.

FMQ qyzmetkerleri Prezıdenttik saıabaqta 250 túp qaıyń aǵashtaryn otyrǵyzdy.

Qazaqstannyń Ekologııalyq uıymdarynyń qaýymdastyǵy Dúnıejúzilik tazalyq kúnine arnalǵan aksııamen «Stop Musor» jobasy jumysynyń úshinshi jyly bastalǵanyn, onyń sheńberinde qazaqstandyq qalalardy taza ári jaıly etýge, al el azamattaryn qorshaǵan ortaǵa qatysty neǵurlym jaýapty, qamqor jáne eko-dostyq qalypta bolýǵa arnalǵan jańa eko-bastamalar iske asyrylatynyn atap ótti.

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar