Qoǵam • 23 Qyrkúıek, 2022

Elimizde 1,7 mıllıon adam múlik salyǵyn tólemegen

118 ret kórsetildi

2022 jyldyń 1 qazanynda jyljymaıtyn múlik jáne jer ýchaskeleriniń menshik ıeleriniń 2021 jylǵa eseptelgen múlik salyǵyn tóleý merzimi aıaqtalady. Salyq tóleý merziminiń aıaqtalýyna nebári 1 apta qalsa da, 1,7 mln menshik ıesi salyq mindettemesin áli oryndamaǵan. Bul týraly QR QM Memlekettik kirister komıtetinde habarlady, dep jazady Egemen.kz.

Salyq zańnamasyna sáıkes aldaǵy salyq somalary boıynsha habarlamalar osy jyldyń shilde aıynda menshik ıelerine jiberilgen edi. Budan basqa, «Kaspıı bank» AQ mobıldi qosymshasyn paıdalanýshylaryna PUSH-habarlamalar túrinde jiberildi.

«2021 jyl úshin múlik salyǵy 3,8 mln salyq tóleýshi boıynsha jalpy somasy 14,3 mlrd teńgege eseptelgen.  Degenmen, búgingi kúni shamamen 1,7 mln menshik ıesi «2021 jyl» kezeńine 5,7 mlrd teńge somasyna múlik salyǵyn tólemegen. Tólenbegen salyq somalary boıynsha Almaty qalasynyń turǵyndary kósh bastap tur (1 379 mln teńge), ekinshi orynda – Shymkent qalasy (1 194 mln teńge), antıreıtıngtiń úshtiginde – Astana qalasy (1 094 mln teńge). Osyǵan baılanysty, Memlekettik kirister komıteti 2022 jyldyń 2 qazanynan bastap jeke tulǵalardyń salyq bereshegi týraly habarlamalardy boryshkerlerge jiberetinin eske salady», delingen habarlamada.

1 aılyq eseptik kórsetkishten astam bereshek somalary boıynsha habarlama tabys etilgen soń otyz jumys kúninen keıin bereshekti májbúrlep óndirip alý týraly salyq buıryǵy jiberiledi. Bul salyq buıryǵy 5 jumys kúni ótkennen keıin jeke sot oryndaýshylaryna májbúrlep óndirip alý úshin beriledi.

Bul rette, jeke sot oryndaýshylary bereshek somasynan basqa shottarǵa tyıym salý jáne shyǵýǵa shekteý qoıýdan týyndaǵan qolaısyzdyqtar týraly aıtpaǵanda, salyq bereshegi somasynyń 25%-na deıingi mólsherde qosymsha tólemdi óndirip alady.

Salyqty «e-Salyq Azamat» jáne ekinshi deńgeıdegi bankterdiń mobıldi qosymshalary, «Elektrondyq úkimet» portaly arqyly, ekinshi deńgeıdegi bankterdiń bólimsherindegi nemese tólem termınaldaryndaǵy qolma-qol aqsha qarajatymen, sondaı-aq bankomattar men tólem termınaldaryndaǵy bank kartalary arqyly tóleýge bolady. 

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar