Oqıǵa • 24 Qyrkúıek, 2022

Pavlodarda joǵalǵan bala tabyldy

80 ret kórsetildi

Pavlodarda qyzmettik ıt joǵalǵan balany tapty, dep habarlaıdy Egemen.kz.
 

24 qyrkúıek saǵat 17:31-de Pavlodar qalasynyń «102» operatorynyń pýltine Bókeıhan kóshesindegi 265-úıdiń aýlasynda sóılemeıtin 4 jasar balanyń joǵalǵany týraly qońyraý túsken.

«Atalǵan meken jaıǵa dereý polısııa qyzmetkerleri, sondaı-aq ınspektor-kınolog Talǵat Áýbákirov óziniń Nıka atty qyzmettik-izdestirý ıtimen jiberildi. Bul fakti boıynsha jeke quram, barlyq avtopatrýlder men jaıaý narıadtar habardar boldy. Sonymen qatar kóshedegi beınebaqylaý kameralary qaraldy. Qyzmettik ıtke iz alý úshin balanyń zattary berildi. Birneshe mınýttan keıin iz alǵan Nıka qyzmetkerlerdi 1-shi qaıyq beketine alyp keldi, joǵalǵan qyz sol jerdegi qaıyqtardyń birinen tabylyp, anasyna tapsyryldy»,  dep habarlady Pavlodar oblystyq polısııa departamentiniń baspasóz qyzmeti.

Qyzdyń ózi qaıyqqa tyǵylyp, oınap otyrǵany belgili boldy. Anasynyń aıtýynsha, demalys kúnderi bolǵan soń nemerelerin ata-ájesine qonaqqa ákelgen. Tórteýi de úıdiń aýlasynda oınap júrgen. Saǵat 16:45 shamasynda ájesi nemerelerin úıge shaqyrǵanda 4 jasar nemeresinen basqalarynyń bári kelgen. Shamamen 40 mınýt ishinde týystary qyzdy izdep, taba almaǵan soń polısııaǵa júgingen.

  

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar