Qańtar oqıǵasynan soń el bıliginen biraz laýazymdy tulǵalar shettetilgenine kýá boldyq. Deı turǵanmen otandyq ekonomıka áli de bolsyn burynǵy olıgarhtardyń qolynda. Bular respýblıkamyzdyń klıptokratııalyq emes, demokratııalyq turǵydan damý arqyly naryqtyq ekonomıkaǵa bet burýyna qarsylyq tanytýda. Qarap otyrsaq, Qazaqstannan «Forbs» tizimine engen mıllıarderlerdiń birde-bireýi óz betimen jańa tehnologııa taýyp, bolmasa jańashyl ıdeıamen, ǵylym nemese óndiriske engizgen jańalyǵymen kózge túsken joq. Olardyń basym bóligi elimizdiń qazynasyn, qazaqtyń jerasty baılyǵyn paıdalaný arqyly mol dáýletke ıe boldy. Keıin qarjy uıymdaryn quryp, halyqqa qymbat nesıeler taratyp, baılyǵyn odan saıyn eseledi. Mine, osy olıgarhtar men toptar sońǵy jyldarda qolǵa alynǵan tyń bastamalardyń iske asýyna múddeli bolmaǵandaı kórinedi.
Qazirgi saıası jaǵdaıdy baǵamdasaq, 2024 jyly ótetin kezekti prezıdenttik saılaýda álgi toptar qarajattaryn paıdalanyp medıaresýrstar arqyly eldegi áleýmettik-qoǵamdyq narazylyqty kúsheıtýge tyrysar edi. Tóńirektegi memleketterde bolyp jatqan keıbir qubylystar aldaǵy jyldary Qazaqstanǵa da áser etý múmkin. Mine, sondaı kezeńde mańyzdy saıası sharany ótkizý tym qıynǵa soǵar edi. Sondyqtan qazirgideı ýaqytta kezekten tys prezıdenttik saılaý jarııalanyp, onyń jyl sońyna deıin ótkizilýin, halyq memleket basyna keletin tulǵany birden 7 jyl merzimge saılaıtynyn óz basym quptaımyn.
Qazaqstannyń saılaý júıesin ózge eldermen salystyrý áste durys emes. Sebebi biz múlde ózge geosaıası ortada, alpaýyt memleketterdiń arasynda ornalasqanbyz. Ádiletti Qazaqstannyń azamattary bólinýdi emes, birigýdi úırenýimiz kerek.
Infografıkany jasaǵan Amangeldi Qııas, «EQ»
Erkeǵalı JANǴAZY,
«Qaǵandyq» qoǵamdyq birlestiginiń tóraǵasy
PAVLODAR
