Jasampazdyq jolyndaǵy jańa baǵyt

Eki aı ishinde qazaqstandyq­tardyń el bolashaǵynyń jar­qyn bolýyna aıanbaı eńbek etetin Prezıdentin tańdaýǵa múm­kin­digi bar. Men de osy eldiń azamaty retinde bala­larym­nyń keleshegi úshin óz tań­daýymdy jasaımyn. Kons­tıtýsııalyq reformanyń iske asýynyń arqasynda saılaý naýqany da barlyq zań talaptaryn saqtaı otyryp júrgiziletinine senemin.

Sońǵy úsh jylda jasalǵan ózgerister men konstıtýsııalyq reforma memlekettiń saıası qurylymynyń jańa úlgisin qalyp­tastyrdy. Qarapaıym tur­ǵyn retinde eldegi saıası júıe­ni ózgertýdiń mán-mańy­zyn jaqsy qabyldaımyn.

Prezıdenttiń halyqqa Jol­daýynda aıtylǵan Ulttyq qor­dyń jyl saıynǵy ınvestı­sııalyq tabysynyń 50 paıy­zyn bala­lardyń arnaýly jınaq­taý­shy esepshotyna aýdarýdy usy­nýy da el arasynda qyzý qoldaý tapty. Bul qarajat óskeleń urpaqtyń úlken ómirge qadam basýyna múmkindik beredi. Eń­bek­pen qamtıtyn túrli sharalar arqyly kelesi jyly 100 myń jasty jumysqa ornalasty­rý, jastardyń kásipkerlik bas­tama­laryna qoldaý kórsetýdi jalǵastyrý da kún tártibinen tús­peıtin máseleler. Osy áleý­met­tik mańyzy zor máseleler she­shimin tapsa, eldegi saıası jú­ıeni ózgertýdiń mán-mańyzyn oń baǵytta ekenin ańǵartary anyq.

Bir rettik jeti jyldyq mer­zimniń mánisi nede? Memleket basshysy búkil saıası júıeni ózgertýdi ózinen bastap otyr. Soǵan baılanysty memlekettik qurylymdaǵy reformalar jańa erejeler boıynsha júrgizi­le­di. Atalǵan ózgeris Ádiletti Qazaqstannyń bolashaǵyna jol ashar quqyqtyq norma. Bul norma el tizginin ustar jańa saıasatkerler men jańa saıası lıderlerdiń, sondaı-aq beti ashyq, júzi jaryq, ary men alaqany taza, elmen etene aralasa jumys isteıtin, halyqty tyńdatatyn, ózi de tyńdaı biletin jańa býynnyń kelýine múmkindik beredi. Quqyqtyq demokratııanyń bul úlgisi jańa saıası tulǵalardyń joǵary laýazymdy bılikke qol jetkizýin qamtamasyz etedi.

Bul saılaý – qabyldanǵan saıası reformalardy is júzinde júzege asyrý bolyp sanalady. Saılaý naýqany el ekonomıkasyn qarqyndy damytýdy, halyq­tyń ál-aýqatyn arttyrý­dy kóz­deıtin mindetterdi júze­ge asyrýǵa múmkindik beredi.

Demokratııanyń jarqyn úlgisi bolatyn saıası naýqan tek oń ózgerister men jańa bastamalarǵa sebep bolady degen senimdemin.

Núrken ARALBEKOV,

Túrkistan oblysy qoǵamdyq damý basqarmasy Otbasy jáne jastar máseleleri jónindegi bólim basshysy