Kezdesýge qatysýshylar qazirgi zamanǵy halyqaralyq kún tártibindegi EQYU-nyń róli men uıymnyń óz áleýetin iske asyrýdaǵy kedergilerge baılanysty ózekti máselelerdi talqylady. EQYU-nyń ishki reformasyna erekshe nazar aýdaryldy.
Bul uıymnyń 2025 jylǵy mereıtoılyq sessııasyna daıyndyq kezeńi bolyp tabylatyn «Áreketke shaqyrý - Helsınkı+50» prosesin damytý sharasy bolyp tabylady. Sessııada bolashaqtaǵy eýropalyq qaýipsizdik kelbetiniń kórinisi men ondaǵy Parlamenttik Assambleıanyń rólin kórsetetin qorytyndy qujat qabyldanady.
Osy prosess aıasynda Assambleıanyń jumys tobynyń quramyndaǵy Senat Tóraǵasynyń orynbasary 2010 jyly qabyldanǵan Astana deklarasııasynyń róline áriptesteriniń nazaryn aýdardy. Dúrbeleńge toly geosaıası jaǵdaıda da onyń mańyzy saqtalyp keledi jáne halyqaralyq qoǵamdastyqtyń EQYU aımaǵynda beıbitshilik pen qaýipsizdikke qol jetkizý jónindegi kúsh-jigerine zor úles qosady.
Sharaǵa EQYU Parlamenttik Assambleıasynyń keńeıtilgen Bıýrosynyń músheleri, Fınlıandııa Parlamentiniń depýtattary, sondaı-aq sarapshylar qaýymdastyǵynyń ókilderi qatysty.
