Erkin saýda aımaǵyn qurý týraly kelisim jasalýda

ASTANA. 19 mamyr. Ekonomıka jáne bıýdjettik josparlaý mınıstrligi Vetnam, Jańa Zelandııa, Keden odaǵy jáne Eýropalyq erkin saýda qaýymdastyǵy memleketterimen erkin saýda aımaǵyn qurý týraly kelissózder júrgizýde. Bul týraly primeminister.kz habarlady. Ortalyq kommýnıkasııalar qyzmetinde ótken brıfıngte Ekonomıka jáne bıýdjettik josparlaý mınıstrligi syrtqy saýda qyzmetin damytý departamenti dırektorynyń mindetin atqarýshy Álııa Álimbetova: «Investısııalar men saýda qatynastaryn damytý maqsatynda Keden odaǵy elderimen  erkin saýda aımaǵyn qurý týraly kelisim jasap jatyrmyz. Bul erkin saýda aımaǵyn qurýǵa  Vetnam, Jańa Zelandııa, Eýropalyq erkin saýda qaýymdastyǵy elderi:Norvegııa, Shveısarııa, Lıhtenshteın jáne Islandııa qatysady», – dedi. Onyń sózine qaraǵanda, júrgizilip jatqan kelissózder nátıjesinde ınvestısııalar tartýǵa, syrtqy saýda qyzmetin damytýǵa jáne qazaqstandyq ónimderdiń belgilengen elderdiń naryqtaryna shyǵýyna qol jetkiziledi. Sondaı-aq,  Ekonomıka jáne bıýdjettik josparlaý mınıstrligi Eýropa odaǵymen keńeıtilgen seriktestik jáne yntymaqtastyq týraly jańa qujatqa qol qoıý maqsatynda tıisti jumystar júrgizýde. Qazaqstan – qazirgi kezde Eýropalyq odaqpen tyń baılanysqa shyqqan Ortalyq Azııadaǵy jalǵyz el. Joldybaı Bazar. Derekkóz: primeminister.kz. Foto: News.headline.kz.