Ekonomıka • 26 Qyrkúıek, 2022

Yrysty molaıtqan naýqan

73 ret kórsetildi

Aqmolalyq dıqandar aýa raıynyń qolaıly sátin tıimdi paıdalanyp, barynsha jiti qımyldap, jaýapty naýqandy uıymshyldyqpen ótkizýde. Búginge deıin barlyq egistik alqaptyń 85 paıyzy jınalyp alyndy.

Bar ǵumyryn darhan dalanyń tósinde, yryzdyq joryǵynda ótkerip kele jatqan aǵa býyn ókil­deri bıylǵy kóktem men jaz egis­tik úshin óte qolaıly bol­dy desedi. Alqap tósine tu­qym sińirilgennen keıin kók­ten ıip, mol jaýyn jaýdy. Dál kerek ýaqytynda. Egin masa­ǵy súttenip, dán tolysa bas­taǵanda da ylǵal jaqsy tústi. Kúnniń qyzýy da az bolǵan joq. Ta­bıǵat­tyń jyly qabaq tanytqan jomart­tyǵynan Aqmola óńiri­niń edáýir bóliginde el yryz­dyǵy molaıa tústi. Qazir gektar berekesi 10,8 sentnerden aınalý­da. Salystyrý úshin aıta kete­tin bolsaq, byltyr ár gektar­dan 8 sentnerden ónim jınalǵan bolatyn.

Ala jazdaı dıqan qaýymnyń kóńilin kúpti etken jaı bıdaı­dyń baǵasy bolatyn. Oblystyq aýyl sharýashylyǵy basqarma­sy basshysynyń orynbasary Erkesh Álenovtyń aıtýyna qaraǵan­da, kúni keshe ǵana Azyq-túlik korporasııasy bıdaıdyń baǵasyn jarııa etti. Qamyrlylyǵy 23 paıyzdyq 3 klasty bıdaıdyń bir tonnasy – 121 myń teńge­den, qamyrlylyǵy 25 pa­ıyz bolsa – 123 myń teńgeden, qamyr­lylyǵy 27 paıyz bolsa – 125 myń teńgeden. Al bıdaıdyń sapasyna, ıakı qamyrlylyǵyna keletin bolsaq, oblys­ta bıyl bu­ryn-sońdy bola qoımaǵan sapa­ly astyq jınalýda. О́ńir­diń batys jaq betkeıindegi Jaqsy, Jarqaıyń, Esil táriz­di da­lalyq aýdandardaǵy keı­bir sha­rýashylyqtardyń jaıqa­lyp ós­ken egistik alqaby­nan jınal­ǵan bı­daıdyń qamyrly­lyǵy 34 pa­ıyz­ǵa deıin jetip otyr. Bul – al­tynǵa aıyrbastamaıtyn yrys.

Sarapshylardyń aıtýyna qara­ǵanda, dıqandardyń kók­temgi jáne kúzgi naýqandyq dala ju­mystarynda shyǵarǵan shyǵy­ny bıylǵy baǵanyń deńgeıimen eseptegende, gektarynan 6 sentnerden ónim alǵanda ózin-ózi tolyq aqtap shyqpaq. Tuqym, dári-dármek, tyńaıtqysh, tehnıka, janar-jaǵarmaı, eńbekaqy, salyq tárizdi bar shyǵyndy tolyq jabady. Qalǵany – taza paıda. Sonyń ózinde keıbir sha­rýashylyq basshylarynyń bıyl belgili bir sebepterge baılanysty qosalqy bólshekterdiń baǵasy tym qymbattap ketti dep sary ýaıymǵa salynyp júrgenin sán márte estidik. 

– Shaǵyn sharýashylyqtar­ǵa ońaı emes, árıne, – deıdi bas­qarma basshy­synyń orynbasary, – al iri aýyl sharýa­shylyǵy qurylymdarynyń tehnı­kasy jańa. Sońǵy jyldary memleket tarapynan kórsetilgen mol kómek arqyly mundaı qurylymdar mashına-traktor parkin jańalap aldy. Sondyqtan, qosalqy bólshekterdi kóp qajet etpeıdi. Onyń ústine 48,1 mlrd teńge kóleminde sýbsıdııa túrindegi kómek kórsetildi. Azyq-túlik korporasııasy tarapynan 20 mlrd teńgege kelisimshart jasaldy. Memleket aýyl sharýa­shylyǵy tehnıkasyna da, tuqym men tyńaıtqyshqa da, qysqasy dıqan qaýymǵa qajettiniń barlyǵyna da kómektesip jatyr emes pe?!

Shynynda da, burnaǵy jyldary óz qotyryn ózi qasy­ǵan aýyl sharýa­shylyǵy qurylym­dary birsy­dyrǵy kún kórdi. Al memleket tarapynan sýbsıdııa berile bastaǵaly qarjydan qıynshylyq kórip otyrǵan joq.

– Osyǵan táýbe deýimiz kerek, sońǵy jyldary eńsemiz­di kóterip qalsaq, ol aýyl sharýa­shy­lyǵyna degen janashyr­lyqtyń arqasy, – deıdi Zerendi aýdanyndaǵy «Qulan» sharýa qojalyǵynyń basshysy Qulan Bolatov, – biz sońǵy jyly sheteldik kombaın, trak­tor alyp, egistik alqabymyzdy keńeı­­tip, jumys istep jatyrmyz. Eger mem­leket tarapynan kómek kórsetil­mese, mundaı nátı­jege jete almas edik.

Osy arada bir ǵana mysal keltire ketelik, kepildendiril­gen dızel oty­ny­nyń ár lıtri sharýa­larǵa 218 teń­geden bosatyldy. Al janar-jaǵar maı quıý stansalarynda ár lıtr 260 teń­ge­den satylýda. Dál osy jerden-aq qamqorlyq kórinip turǵan joq pa?

Jiti qımyldaǵan aýdandar egin ora­ǵyn aıaqtap qalýǵa taıaý. Esil aýdany barlyq egistik alqabynyń – 92, Egin­dikól aýdany – 88, Selınograd aýdany 86 paıyzyn jınap aldy. Ashyq kúnderi oblys dıqandary táýligine 160 myń gektar alqap­tyń eginin bastyrýda. Osy qar­qyn­nan tanbasa, bir aptanyń ishinde el yryzdyǵynyń bir dáni ysyrap bolmaı, halyqtyń ıgiligine jaratylmaq.

О́ńirdiń elevatorlary men astyq saqtaıtyn qoımalarǵa 1 mln 400 myń tonna bıdaı tasymal­dandy. Keler jylǵa 530 myń tonna tuqym qajet bolsa, onyń 344 myńy iriktelip, tazalanyp, quıylyp alyndy.

 

Aqmola oblysy

Sońǵy jańalyqtar

Ekibastuz: Taǵy 9 úıge jylý berildi

Aımaqtar • Búgin, 21:02

Senatorlar ózekti máselelerdi talqylady

Parlament • Búgin, 14:03

ÁCh 1/8 fınalynda kimder oınaıdy?

Fýtbol • Búgin, 12:40

Bir táýlikte 173 adam koronavırýs juqtyrǵan

Koronavırýs • Búgin, 11:02

Uqsas jańalyqtar