Qazaqstan • 27 Qyrkúıek, 2022

Múmkindigi shekteýlilerdiń quqyǵy eskeriledi

77 ret kórsetildi

Nurlan Ábdirovtiń tóraǵalyǵymen Ortalyq saılaý komıssııasynyń kezekti otyrysy ótti. Jıynǵa saıası partııalardyń, múgedek jandardyń saılaý quqyqtaryn qorǵaý jónindegi qoǵamdyq birlestikterdiń, jergilikti atqarýshy organdardyń ókilderi, OSK janyndaǵy múgedek azamattardyń saılaý quqyqtaryn qamtamasyz etý jónindegi jumys tobynyń músheleri, onlaın rejimde oblystardyń, respýblıkalyq mańyzy bar qalalardyń jáne elordanyń aýmaqtyq saılaý komıssııalarynyń músheleri qatysty.

Otyrysta eń áýeli prezıdent saı­laýynda múmkindigi shekteýli azamat­tardyń daýys berýin qamtamasyz etý máse­leleri aıtyldy. Ortalyq saılaý komıs­sııasynyń múshesi Anastasııa Shegorsova «Saılaý týraly» Konstıtýsııalyq zań­da múgedek azamattardyń saılaý quqyq­taryn qamtamasyz etý jóninde birqatar norma bar ekenin eske saldy.

– Ortalyq saılaý komıssııasynyń 2018 jylǵy qaýlysy múgedek jandardyń saılaý quqyqtaryn iske asyrý jónindegi usynymdaryn bekitti. 2021 jyldan bastap komıssııa otyrystarynyń translıasııasy men aqparattyq beınematerıaldary sýr­doaýdarmamen qamtamasyz etiledi. Or­talyq saılaý komıssııasynyń saı­tyn­da «Múmkindikteri shekteýli azamat­tar­dyń saılaý quqyqtary» bólimi jumys isteıdi.

2017 jyldan bastap BUU-nyń múge­dek­terdiń quqyqtary týraly Kon­ven­­sııasyn iske asyrý maqsatynda Ortsaı­laýkom janynda múgedekterdiń saılaý quqyqtaryn qamtamasyz etý jónin­degi Jumys toby jumysyn jalǵas­ty­rýda. Jumys tobynyń 19 múshesiniń 17-si – múgedek jandardyń qoǵamdyq bir­lestikteriniń ókili, – dedi Anastasııa She­gor­sova.

Jıynda saılaý naýqany kezinde múge­dek azamattardyń saılaý quqyqtaryn qamtamasyz etý boıynsha birqatar tap­syrma berildi. Máselen, jergilikti atqa­rýshy organdarǵa: múgedek jandarǵa daýys berýge arnalǵan ýchaskelerdiń qol­je­timdiligin tekserýdi; daýys berý ke­zinde erekshe jaǵdaılardy qajet etetin múgedek jandardyń sany týraly málimetter daıyndaý jáne azamattardy tirkeý orny boıynsha daýys berýdiń naqty ýchaskesinde olar úshin tıisti jaǵdaılardy qamtamasyz etý máselelerin qosymsha pysyqtaý; daýys berý ýchaskelerinde Ort­saılaýkomnyń qaýlysymen beki­tilgen saılaý ýchaskesinde daýys berýge ar­nalǵan úı-jaıdy, daýys berýge arnal­ǵan pýnkti jaraqtandyrý jónindegi nusqaýlyqqa sáıkes múgedek jandarǵa arnalǵan buryshtardy jaraqtandyrýdy qam­tamasyz etý, tutqalardyń, pandýs­tar­dyń, sondaı-aq basqa da qajetti quryl­ǵylardyń bolýyn qarastyrý; múgedek jan­darǵa daýys berýge arnalǵan úı-jaı­lardy barynsha qoljetimdilikpen qamtamasyz etý máselelerin nazarǵa alý kerektigi aıtyldy.

Al daýys berýge arnalǵan oryndarda ár­túrli taktıldi kórsetkishter (múm­kin­diginshe) bolýǵa tıis. Tirek-qımyl appa­ratynyń fýnksııalary buzylǵan, onyń ishinde kreslo-arbalardy paıdalanatyn saılaýshylardyń qoljetimdiligin eskere otyryp, jasyryn daýys berýge arnalǵan kabına, múgedek jandarǵa arnalǵan arnaıy jabdyqtalǵan oryn, monıtory bar kompıýter bolýǵa tıis. Qulaqqaptar, qosymsha jaryqtandyrý, lýpalar da qarastyrylmaq.

Jıynda komıssııa múshesi Asylbek Smaǵulov qol qoıý paraqtaryn daıyn­daý, berý merzimderi, sondaı-aq  saı­laý­shylardyń qoldaryn jalǵan dep taný týraly baıandady.

– «Saılaý týraly» Zańǵa sáıkes prezı­denttikke kandıdatty qoldap qol jınaý­dy senim bildirilgen adamdar uıym­dastyrady. Al kandıdattyń Konstıtýsııa jáne «Saılaý týraly» Zańda belgilengen talaptarǵa sáıkestigin tekserýden keıin bes kún merzimnen keshiktirmeı ko­mıssııa beretin qol qoıý paraqtarymen resimdeledi. Prezıdenttikke kandıdatty oblystar, respýblıkalyq mańyzy bar qalalar jáne respýblıka astanasynyń kem degende úshten ekisiniń atynan teń­deı ókildik etetin saılaýshylardyń jal­py sanynyń kem degende bir paıyzy qoldaýǵa tıis. Elimizdegi saılaýshy aza­mat­tarynyń biryńǵaı elektrondyq tizili­mine sáıkes 2022 jylǵy 1 shilde­degi jaǵdaı boıynsha respýblıka saılaý­shylarynyń jalpy sany 11 mln 827 myń 277 adamdy quraıdy. Osylaısha, prezıdenttikke úmitkerdi keminde 118 myń 273 saılaýshy qoldaýy kerek, – dedi A.Smaǵulov.

«Saılaý týraly» Zań jáne OSK qaýlysyna sáıkes, qol qoıý paraǵynyń úlgisi bekitilgen. Árbir qol qoıý para­ǵy­nyń rettik nómiri bolady jáne saı­laý­shylardyń qoldaryn jınaýǵa arnalǵan 20 joldan turady. Prezıdenttikke kandıdatty qoldaýǵa qol jınaý jónindegi toltyrylǵan qol qoıý paraqtary aýmaqtyq saılaý komıssııasyna tapsyrylady, ol 10 kún merzimde pasport qyzmetti qyzmetkerlerin tarta otyryp, qoıylǵan qoldardyń durystyǵyn tekserýdi júzege asyrady, Prezıdenttikke kandıdatty qoldap qoıylǵan qoldardyń rastyǵyn tekserý nátıjeleri týraly tıisti hattamany resimdeıdi jáne ony Ortalyq saılaý komıssııasyna joldaıdy.

Saılaýshylardyń qoıǵan qoldary saılaýshynyń derekteri tolyq bolmasa, qaryndashpen qoıylsa, túzetilse, saı­laý­shy atynan basqa adam qoısa jalǵan bolyp tanylady.

Sońǵy jańalyqtar

Dollar baǵamy qaıta ósti

Qarjy • Búgin, 16:12

«Almaty-2» vokzalynda órt shyqty

Oqıǵa • Búgin, 15:01

Uqsas jańalyqtar