Elimiz Aýǵanstanǵa gýmanıtarlyq kómek kórsetedi

ASTANA. 19 mamyr Bıylǵa Tótenshe jaǵdaılar mınıstrligi Aýǵanstanǵa 1 mln. 985 myń 917 dollar kóleminde gýmanıtarlyq kómek kórsetýdi josparlap otyr. Parlament Májilisinde ótken Úkimet saǵatynda atalǵan mınıstrliktiń basshysy Vladımır Bojko osylaı dedi. Bul týraly primeminister.kz habarlady. Mınıstr: «Bıylǵy jyly Aýǵanstan Islam Respýblıkasyna resmı gýmanıtarlyq kómek kórsetý úshin memlekettik materıaldyq rezervten 1 985 917 dollar somaǵa azyq-túlik beredi», – dedi. Qazaqstan tarapynan 2013 jyl men 2014 jyldyń I toqsanynda tabıǵat apattarynan zardap shekken birqatar elge gýmanıtarlyq kómek kórsetilipti. Dálirek aıtqanda, Aýǵanstan, Lıvan, Gvatemala men Shrı-Lanka memleketterine  jalpy somasy shamamen 978 myń dollar bolatyn azyq-túlik pen ózge de gýmanıtarlyq kómek jóneltilgen. Sondaı-aq, ol Memleket basshysynyń tapsyrmasyna oraı,  Reseı federasııasy Qıyr Shyǵys federaldy okrýgindegi topan sýdan zardap shekken Blagoveshensk qalasynda 240 oryndyq balabaqsha salýǵa 379 mln. teńge bólingenin jetkizdi. Jolybaı Bazar. Derekkóz: primeminister.kz Foto: news.nur.kzl