Bıyl 63,7 myń azamatqa tólem alǵash ret taǵaıyndaldy.
Qoldanystaǵy zańnamaǵa sáıkes jumystan bosatylǵan qyzmetkerler mindetti áleýmettik saqtandyrý júıesine qatysý ótiline jáne sońǵy 24 aıdaǵy tabysyna baılanysty 1 aıdan 6 aıǵa deıin jumysynan aıyrylýy boıynsha áleýmettik tólemder alady. Tólem qyzmetker joǵaltqan tabystyń 40% - na deıingi mólsherde MÁSQ qarajaty esebinen júzege asyrylady.
Jumystan bosatylǵan qyzmetker tıisti tólem alýy úshin kelesi sharttardy oryndaýy qajet:
- eGov.kz portalynda tirkelý;
- «Jumysqa ornalastyrý jáne jumyspen qamtý» bóliminde «Jumys izdep júrgen adamdardy tirkeý» qyzmetin tańdaý;
- Onlaın qyzmetke tapsyrys berip, barlyq joldardy toltyrý jáne ESQ-men qol qoıý arqyly ótinimdi jiberý qajet;
- Bir kún ishinde ótinish berýshiniń turǵylyqty jeri boıynsha jumyspen qamtý ortalyǵy (budan ári – HJQO) bos jumys oryndaryn usynady;
- Eger jumys tabylmasa, 3 kún ishinde qashyqtan jumyssyz mártebesi beriledi (qajet bolǵan jaǵdaıda qosymsha aqparat jınaý úshin ótinish berýshimen HJQO qyzmetkeri habarlasady).
Vedomstvo ókilderi atalǵan qyzmetti onlaın rejımde Elektrondyq eńbek bırjasy, ıaǵnı enbek.kz saıty arqyly da alýǵa bolatynyn eske saldy.
«Azamat jumyssyz retinde tirkelgen soń Eńbek jáne halyqty áleýmettik qorǵaý mınıstrliginiń aqparattyq júıesi proaktıvti formatta MÁSQ-tan tólem taǵaıyndaý boıynsha qyzmet kórsetýge kelisim berý úshin uıaly telefonǵa SMS-habarlama jiberedi. Kelisken jaǵdaıda SMS-habarlamaǵa jaýap berý qajet. Tólem avtomatty túrde taǵaıyndalady», delingen habarlamada.
