Astananyń Sankt-Peterbýrgtegi mádenıet kúnderi aıaqtaldy

ASTANA. 19 mamyr. Sankt-Peterbýrgtegi Astana kúnderi joǵary deńgeıde ótti. Bul týraly astana.kz habarlady. Astana qalasynyń ákimi Imanǵalı Tasmaǵambetov: «Sankt-Peterbýrgtyń Astana qalasyndaǵy kúnderi jáne Astananyń Sankt-Peterbýrgtegi kúnderi  asa mańyzdy sharalar. Olar halyqtardyń rýhanı álemimen tereń tanysýǵa múmkindik beredi», – dedi. Aıtýly shara kezinde pıterlikter elimizdiń mádenıetimen tereń tanysty. Arnaıy qurylǵan etnoaýylda  kelýshilerge ulttyq taǵamdarymyz usynyldy. Sondaı-aq, jergilikti turǵyndary jyr dúldili Jambyl Jabaevtyń eskertkishine gúl qoıý rásimine qatysty. Budan bólek, «Astana» saýda-iskerlik kesheniniń qurylysy júrgiziletin orynǵa kapsýla salyndy. Bul keshen eki jaqtyń seriktestik qarym-qatynasyn odan ári nyǵaıtyp, ózara qurmetti urpaqtan-urpaqqa jetkizýge septigin tıgizedi dep eseptelinýde. Taǵy bir aıta keterlik jáıt, atalǵan mádenı kúnder sheńberinde Sankt- Peterbýrg turǵyndary «Jýsan ıisi» atty beıneleý óneri kórmesin tamashalady. Munda jurtshylyq ulttyq rýhymyz ben onyń erekshelikterine nazar aýdardy. Kópshilik nazaryna qazirgi zamanǵy qazaqstandyq sýretshilerdiń eńbekteri usynyldy. Al «Astana Ballet» keshinde Qazaqstannyń ulttyq horeografııasy kórsetildi. Konsertte «Qarlyǵash», «Aqqý», «Qyz Jibek», «Shattyq», «Qazaq valsy» jáne taǵy basqa da bıler oryndaldy. Sonymen qatar, Astananyń Sankt- Peterbýrgtegi kúnderi aıasynda «Smart Astana» jobasyn ınvestısııalaý perspektıvalary» taqyrybynda dóńgelek ústel otyrysy ótkizildi. Sondaı-aq, astanalyqtar «Slavıan jármeńkesi» festıvali men «Petergof» memlekettik murajaıymen tanysty. Shara barysynda eki qala basshylyǵy eki jylǵa arnalǵan yntymaqtastyq týraly kelisimge qol qoıdy. Joldybaı Bazar. Derekkóz: astana.kz. Foto: astana.kz.